Bota/Rajoni

Qeveria japoneze konfirmon braktisjen e një sistemi amerikan mbrojtës antiraketor

Qeveria japoneze konfirmon braktisjen e një sistemi amerikan mbrojtës antiraketor
12:19 | 25 Qershor 2020

Qeveria japoneze konfirmoi sot braktisjen e vendosjes ë tokën e saj të sistemit amerikan mbrojtës antiraketë ”Aegis Ashore”, 10 ditë pasi kishte njoftuar ndërprerjen e këtij programi të kushtueshëm dhe të kontestuar.

“Këshilli kombëtar i sigurisë ka diskutuar për këtë çështje dhe arriti në përfundimin se vendosja e Aegis Ashore (…) duhet të anulohet”, theksoi ministri i Mbrojtjes, Taro Kono gjatë një takimi të Partisë liberal-demokrate të kryeministrit, Shinzo Abe.

Miratuar në vitin 2017 nga qeveria Abe, në një kohë kur Koreja e Veriut kishte shtuar provat balistike në afërsi të Japonisë, blerja dhe mbajtja për 30 vjet e këtij sistemi tokësor me prodhim amerikan, Lockheed Martin ishte vlerësuar me 4,2 miliardë dollarë.

Dy sisteme të këtij lloji u vendosën në tokën japoneze, një në rajonin e Akitas, në veri dhe tjetri në rajonin e Yamaguchit, në perëndim.

“Petrol Company” në natën e “Kurban Bajramit” e bën me shtëpi të re familjen nga Skenderaj

Të tjera