×
  • Bota/Rajoni
  • Bota/Rajoni

    Qeveria e Maqedonisë me udhëzime për shtetasit e Kosovës, Serbisë, Malit të Zi dhe Bosnjës gjatë hyrjes në vend

    FrontOnline
    10 Korrik 2020

    Qeveria e Maqedonisë së Veriut përmes një komunikate informon se i ka pranuar udhëzimet e Ministrisë së Shëndetësisë dhe Ministrisë për Punë të Brendshme, në lidhje me vendimin që për shtetasit e Kosovës, Serbisë, Malit të Zi dhe Bosnjës të kërkohet test negativ për COVID-19, gjatë hyrjes në Maqedoni.

    Nga Qeveria informojnë se dokumenti në lidhje me lëvizjen transit në territorin e Maqedonisë së Veriut, për shtetasit e Kosovës, Serbisë, Malit të Zi dhe Bosnjë e Hercegovinës, i përfshin udhëzimet e mëposhtme:

    – Gjatë hyrjes përmes kalimeve kufitare ajrore, nga Aeroporti Ndërkombëtar Shkupi dhe Aeroporti “Shën Apostol Pavle” në Ohër, nuk është e nevojshme të dorëzohet vërtetim mjekësor për test PCR, duke pasur parasysh që shtetasi i huaj vetëm transiton nëpër territorin e Republikës së Maqedonisë së Veriut, d.m.th është vetëm e nevojshme të nënshkruhet një deklaratë që ai do të largohet brenda tre orëve nga vendi.

    – Gjatë hyrjes përmes vendkalimeve kufitare tokësore, me qëllim që të dalë nëpër kalimet kufitare ajrore, nga Aeroporti i Shkupit dhe i Ohrit, është e nevojshme të tregoni biletë ajrore (biletë elektronike) dhe të nënshkruani një deklaratë për lëvizje transite dhe brenda tre orësh duhet të dilni nga territori i vendit.

    – Për transportuesit profesionistë (shoferët), nuk është e nevojshme certifikatë mjekësore për test PCR, por vetëm detyrohet të respektojë protokollet për kryerjen e transportit ndërkombëtar.

    – Për transportin e organizuar të autobusëve ose linjat e rregullta të tranzitit ndërkombëtar, lejohet hyrje tranzit, pa pasur nevojë për test negativ për COVID-19, me detyrimin që territori i vendit duhet të braktiset brenda pesë orësh, duke nënshkruar deklaratë për lëvizje tranziti.

    – Shtetasit e Republikës së Serbisë, Republikës së Kosovës, Malit të Zi dhe Bosnjës e Hercegovinës që kanë leje qëndrim të përkohshëm ose të përhershëm në Maqedoninë e Veriut, gjatë hyrjes në shtet duhet të posedojnë test negativ për COVID-19, jo më të vjetër se 72 orë.

    – Diplomatët e huaj nga vendet e përmendura dhe të akredituar në Republikën e Maqedonisë së Veriut, si dhe anëtarët e familjeve të tyre, me hyrjen në vend nuk kanë nevojë të paraqesin test negativ për COVID-19.

    – Shtetasit e Republikës së Serbisë, Republikës së Kosovës, Malit të Zi dhe Bosnjë e Hercegovinës që kanë planifikuar më parë ekzaminime shëndetësore dhe trajtim në një institucion shëndetësor në Republikën e Maqedonisë së Veriut, mund të hyjnë në vend duke paraqitur test negativ për COVID-19, jo më të vjetër se 72 orë, si dhe vërtetim mjekësor për ekzaminimin mjekësor të planifikuar.

    – Shtetasit e Republikës së Serbisë, Republikës së Kosovës, Malit të Zi dhe Bosnjë e Hercegovinës, të cilët kanë nënshtetësi të dyfishtë, nëse kanë vendbanim në Republikën e Maqedonisë së Veriut (sipas të dhënave që disponon Ministria e Brendshme, ose posedojnë letër njoftim të Maqedonisë), gjatë hyrjes në vend nuk janë të detyruar të posedojnë test negativ për COVID-19.

    Por, nëse këta shtetas të huaj kanë një vendbanim në vendin në të cilin kanë shtetësinë e dytë (një nga vendet e mësipërme të përfshira në nenin 1 të Vendimit) gjatë hyrjes në Republikën e Maqedonisë së Veriut, është e nevojshme të posedojnë rezultat negativ nga testi PCR, i bërë 72 orë para se të hyjnë në vend.

    – Poseduesit e pasaportave të lëshuara nga Republika e Maqedonisë së Veriut, të cilët kanë një adresë qëndrimi në Republikën e Serbisë, Republikën e Kosovës, Malin e Zi dhe Bosnjë e Hercegovinë, gjatë hyrjes në Republikën e Maqedonisë së Veriut duhet të duhet të posedojnë rezultat negativ nga testi për COVID-19, i bërë 72 orë para hyrjes në vend.

    – Pas marrjes së deklaratave të plota nga qytetarët e Republikës së Serbisë, Republikës së Kosovës, Malit të Zi dhe Bosnje e Hercegovinës, Ministria për Punë të Brendshme së bashku me certifikatat mjekësore nga PCR testet do t’i dorëzojë për verifikim tek Ministria e Shëndetësisë dhe Ministria e Shëndetësisë do t’i dorëzojë ato në Qendrat Rajonale të Shëndetit Publik, sipas adresave.

    Nga Qeveria e Maqedonisë thonë se këto udhëzime Ministria për Punë të Brendshme do t’i dorëzojë tek të gjitha përfaqësitë diplomatike konsullare, në mënyrë që të informohet opinioni.

    Nga Rubrika
    Bota/Rajoni10 Maj 2025
    India dhe Pakistani kanë akuzuar njëra-tjetrën për “shkelje” disa orë pasi të dy vendet thanë se kishin rënë dakord për një armëpushim...
    Bota/Rajoni10 Maj 2025
    Gjatë ditës së zgjedhjeve parlamentare në Shqipëri, do tëe mbahet etapa e tretë dhe e fundit e aktivitetit sportiv “Giro D’Italia”, në...
    Bota/Rajoni10 Maj 2025
    Strukturat e posaçme për hetimin e krimeve zgjedhore në Drejtorinë Vendore të Policisë Kukës në bashkëpunim të ngushtë me Prokurorinë e Posaçme...
    Të tjera
    Lajme10 Maj 2025
    Hajrulla Çeku, ka reaguar në lidhje me suksesin e Uta Ibrahimit pasi që kjo arriti ta përmbyllë ngjitjen në 14 majat më...
    Lajme10 Maj 2025
    Kryetari i Prishtinës, Perparim Rama, ka bërë të ditur se alpinistja shqiptare Uta Ibrahimit është ngjitur në majën Kanchenjunga duke përmbyllur kështu...
    Bota/Rajoni10 Maj 2025
    Strukturat e posaçme për hetimin e krimeve zgjedhore në Drejtorinë Vendore të Policisë Kukës në bashkëpunim të ngushtë me Prokurorinë e Posaçme...
    Kronika10 Maj 2025
    Inspektorati Policor i Kosovës, respektivisht hetuesit e Departamentit të Hetimeve të IPK-së kanë arrestuar sot një zyrtar policor me dyshimin se i...
    Vip10 Maj 2025
    Ish-konkurrentja e edicionit të tretë të Big Brother VIP Kosova, Drenusha Latifi ka treguar se si po e kalon këtë fundjavë. Nga...
    Bota/Rajoni10 Maj 2025
    Një nga vullkanet më aktivë nënujorë në botë, Axial Seamount, i vendosur rreth 400 kilometra larg bregut të Oregonit dhe 1.4 kilometra...
    -->

    FrontOnline, © 2025 Të gjitha të drejtat e rezervuara.