×
  • Lajme
  • Ekonomi
  • Artikull i Sponsoruar

    “Petrol Company” në natën e “Kurban Bajramit” e bën me shtëpi të re familjen nga Skenderaj

    FrontOnline
    30 Korrik 2020

    Gëzim, lot e emocione si kurrë më parë. Me këto ndjenja të përziera, shpresa për jetë iu rikthye kësaj familje 6 anëtarësh nga Turishevci i Skenderajt. Në natën e festes së Kurban Bajramit ata u bën me shtëpi të re.

    Lotët e gëzimit e ringjalljen e shpresës për një jetë më të mirë, familjes Hoti ua riktheu “Petrol Company”. Ata arritën që këtë familje ta nxjerrin nga skamja dhe gjendja e rënduar në një afat rekord prej 25 ditësh, raporton Front Online.

    Kryefamiljari Rrahim Hoti tregon se bashkë me familjen e tij deri më tani kanë jetuar në kushte shumë të vështira.

    Ai shprehet i lumtur teksa thotë se tani e tutje falë ndihmës së madhe të “Petrol Company” familja e tij do ta ketë shumë më të lehtë jetesën në shtëpinë e re.

    “Përshëndes kryetarin e Komunës së Skenderajt, Bekim Jasharin, drejtorin e kompanisë “Petrol Compamy”, Shkelzen Jusajn, shumë faleminderit për këtë kontribut që kanë dhënë. Kam jetuar shumë në kushte të rënda. Jam shumë i lumtur tani që jam bërë me shtëpi të re”, tha kryefamiljari Rrahim Hoti.

    Gëzimin për shtëpinë e re, e shpreh në fytyrën e saj edhe zonja e shtëpisë, Ferdane Hoti e cila rrëfen për jetën e vështirë që kanë pasur deri më tani.

    “Ju falënderoj shumë që na e keni ndërtuar këtë shtëpi. Zoti ju shpërbleftë. Kemi jetuar në kushte shumë të vështira. I kemi pasur vetëm dy dhoma. U gëzofshi edhe ju qysh jam gëzuar edhe unë për këtë Bajram”, tha zonja e shtëpisë Ferdane Rrahimi.

    Në dorëzimin e çelësave të shtëpisë së re për familjen Hoti, të pranishëm ishin edhe pronari i “Petrol Company”, Shkelzen Jusaj, kryetari i Skenderajt, Bekim Jashari si dhe nënkryetari i kësaj komune, Nuredin Lushtaku.

    Shkelzen Jusaj gjatë dorëzimit të çelësave ka vënë theks të veçantë te klientët e “Petrol Company”, të cilët sipas tij, duke qenë klientë të kompanisë që ai drejton, kanë kontribuar në ndërtimin e kësaj shtëpie.

    “Faleminderit kryetarit Bekim Jashari dhe Nënkryetarit Lushtaku dhe kolegëve të mi. Për mua falënderimi më i madh për t’i dorëzuar sot çelësat e një shtëpie i shkon klientëve të ‘Petrol Company’, për faktin që vetë janë klientë të ‘Petrol Company’, kanë kontribuar në ndërtimin e kësaj shtëpie. Falënderimi gjithashtu i shkon edhe ‘Syla Group’ të cilët kanë ndihmuar si dhe kompanisë ‘Iliria’ me pronar vëllezërit Veselica të cilët kanë dhuruar një kuzhinë. Jo gjithmonë duhet me pas kuletën ne madhe për më qenë human por duhet me pas zemrën e madhe”, theksoi Jusaj duke ftuar edhe kompanitë tjera, që të ndërmarrin iniciativa të tilla në ndihmë familjeve në nevojë.

    Ai po ashtu ka përmendur bashkëpunëtorët e tij që kanë kontribuar në krijimin e rrethanave për ndërtimin e shtëpisë së familjes gjashtë anëtaresh të Rrahim Hotit.

    “Në këto rrethana të jashtëzakonshme për ekonominë në vend dhe gjithë qytetarët kemi hapur zemrën. Ne ftojmë edhe bizneset dhe bashkëpunëtorët tjerë që të marrin si shembull dhe të kontribuojnë dhe ta lehtësojnë gjendjen ekonomike të familjeve skamnore në Kosovë”, tha pronari i “Petrol Company”, Shkelzen Jusaj.

    Në anën tjetër, kryetari i Komunës së Skenderajt, Bekim Jashari, e ka vlerësuar këtë gjest vullnetmirë të pronarit të kompanisë “Petrol Company”, Shkelzen Jusajt.

    “Arsyeja pse jemi këtu është se pronari i kompanisë “Petrol Company”, Shkëlzen Jusajt, të cilin e falënderoj në emër të të gjithë qytetarëve të Skenderajt për këtë gjest human qe k bërë që sot këtë familje e ka bërë me shtëpi. Vepra apo humanizmi, janë prej virtyteve më të larta. Aq më shumë sot që jemi në natë të Bajramit, dhe po gëzohet një familje që sot do të hyjë në shtëpi. Unë vetëm ju uroj shëndet kësaj familje si dhe kompanisë Petrol Company”, tha i pari i Skenderajt, Bekim Jashari.

    Ai madje, ka ftuar të gjitha bizneset tjera, që të ndjekin shembullin e “Petrol Company” duke ju ndihmuar familjeve skamnore.

    “Dashtë Zoti të shohim edhe familje të tjera që gëzohen sikur kjo sot me një shtëpi. Po ashtu, të marrin shembull edhe bizneset tjera se si dhe çfarë mund të bëjmë kur të kemi zemrën e madhe”, tha më tutje Bekim Jashari.

    “Petrol Company” në vazhdimësi ka kontribuuar në ndërtimin e shtëpive në ndihmë të familjeve në nevojë./FrontOnline/

    Artani: Stresi e Andi u gëzuan për ndarjen e Julit, s’duhet t’iu gëzohesh fatkeqësive të të tjerëve (VIDEO)
    Nga Rubrika
    Lajme18 Mars 2024
    Kryetari i LDK-së, Lumir Abdixhiku, thotë se sot partia e tij tani ka 58 nëndegë aktive duke përfshirë edhe ato në Evropë,...
    Lajme18 Mars 2024
    Shefi i Grupit Parlamentar të Partisë Demokratike të Kosovës, Abelard Tahiri, ka folur në T7 për mënyrën sesi Ministria e Bujqësisë ia...
    Lajme18 Mars 2024
    Deputeti Fatmir Humolli, ka thënë se kryeministri i Kosovës, Albin Kurti, ka dështuar të krijojë një realitet të ri politik. Sipas tij,...
    Të tjera
    Lajme18 Mars 2024
    Shefi i Grupit Parlamentar të PDK-së, Abelard Tahiri, tha se do ta lë mandatin e deputetit nëse Albin Kurti do të zgjedhet...
    Sport18 Mars 2024
    Kombëtarja e Kosovës ka filluar grumbullimin e parë për këtë vit nën drejtimin e përzgjedhësit të ri, Franco Foda dhe stafit të...
    Lajme18 Mars 2024
    Kryetari i Kuvendit të Kosovës Glauk Konjufca ka goditur emisarin amerikan, Gabriel Escobar. Tutje, Konjufca për emisarin amerikan Escobar ka thënë se...
    Sport18 Mars 2024
    Kombëtarja e Shqipërisë ka zhvilluar seancën e parë stërvitore para miqësoreve të këtij muaji. Në stërvitjen e parë pati disa mungesa, të...
    Kronika18 Mars 2024
    Është gjobitur një 25-vjeçar në Ferizaj, i cili u zu nga policia duke vozitur kur atij iu kishte ndaluar ky akt për...
    Lajme18 Mars 2024
    Kryetari i Kuvendit të Kosovës Glauk Konjufca sot ka folur për rolin e tij në Kuvendin e Kosovës. Përveç kësaj ai ka...

    FrontOnline, © 2024 Të gjitha të drejtat e rezervuara.