Peruja tani ka më shumë raste me Coronavirus sesa Italia

Numri i rasteve të konfirmuara me koronavirus në Peru ka arritur në 240,908, që është shifër më e lartë sesa Italia – që për një kohë të gjatë ishte vendi më i goditur në Europë.

Peruja tani është vendi i dytë në botë për nga numri i rasteve të konfirmuara pas Brazilit që numri i përgjithshëm ka arritur gati në 1 milion. Shifra e vdekjeve në Peru ka arritur në 7257, që është shumë më e ulët se e Brazilit që deri tani ka regjistruar më shumë se 45,000 vdekje.

Amerika Latine është aktualisht epiqendra e pandemisë me më shumë se katër milionë raste të konfirmuara – derisa vendet më të goditura janë Brazili, Peruja dhe Kili.

Ekspertët shëndetësorë besojnë se shifrat reale në të gjitha këto shtete është akoma më e lartë.

Peruja sapo ka zgjatur bllokimin deri më 30 qershor dhe numri në infeksionet e përditshme duket se është në një trend në rënie.

Shifra e fundit ditore prej rreth 3700 rastesh është vetëm gjysma e asaj që ishte në fund të majit – në kulmin e krizës.

Ambasadorja e parë e Izraelit në Kosovë, e impresionuar me punën në Comodita

Sponsoruar