Kryetari i AKR-së, Behgjet Pacolli, i ka uruar shërim të shpejtë kryetarit të LDK-së, Isa Mustafa, i cili sot njoftoi se ka dalë pozitiv për koronavirus.
Ai tha se pavarësisht bindjeve politike, si shqiptarë duhet të solidarizohen mes vete në këtë kohë të rëndë.
![](https://ads.klankosova.tv/www/delivery/lg.php?bannerid=0&campaignid=0&zoneid=23&loc=https%3A%2F%2Fklankosova.tv%2Fpacolli-i-uron-sherim-mustafes-jemi-shqiptare-dhe-duhet-te-solidarizohemi-me-njeri-tjetrin%2F&referer=https%3A%2F%2Fklankosova.tv%2Flajme%2F&cb=6c9ef21a95)
“Sapo mora lajmin se Kryetari i LDK-së, Isa Mustafa ka dalë pozitiv në COVID-19. Nga zemra i uroj shërim të shpejtë. Në të njëjtën kohë nuk mundem pa shkruar për disa nga komentet e mbrapshta dhe çnjerëzore për shëndetin e tij të disa individëve. Pavarësisht bindjes politike, ne jemi shqiptarë dhe duhet të solidarizohemi me njëri-tjetrin. Të urojmë dikë për vdekje, në këtë moment, është një edukim i tmerrshëm”.