Kryeministrja serbe Ana Brnabiq tha se do të përpiqet të liberalizojë hyrjen në Serbi sa më shumë që të jetë e mundur, duke theksuar se, përveç mbrojtjes së shëndetit të njeriut, qëllimi është të arrihet rimëkëmbja dhe rritja e plotë ekonomike sa më shpejt që të jetë e mundur.

Siç raporton korrespondenti i AIM-së nga Beogradi, ajo përsëriti se më 1 qershor, regjim i liberalizuar do të hyjë në fuqi në vendkalimet kufitare me katër vende e rajonit (Malin e Zi, Bosnjën dhe Hercegovinën, Shqipërinë dhe Maqedonia e Veriut), pa detyrimin e qytetarëve të këtyre vendeve që të bëjnë test për coronavirus gjatë kalimit të kufirit me Serbinë.

“Për qytetarët e këtyre vendeve, nuk ka nevojë për këto teste, ato do të hyjnë në Serbi, si dhe para paraqitjes së Covid-19”, tha Kryeministrja serbe.

Për të huajt nga vendeve të tjera, edhe më tej është në fuqi detyrimi për të pasur test të vlefshëm PCR negativ për coronavirusin dhe miratimin e komisioni qeveritar në kalimin e kufirit, tha Brnabiq, duke shtuar se shtetasit e huaj, nëse ato janë veçanërisht të rëndësishëm për ekonominë serbe, mund të hyjnë pa një test PCR negativ.