[wp-story]

Lajme

Nënshkruhet urdhëresa, këto janë masat që nga sot duhet të aplikohen në çdo kafiteri

Nënshkruhet urdhëresa, këto janë masat që nga sot duhet të aplikohen në çdo kafiteri
14:36 | 18 Qershor 2020

Si pasojë e rritjes së numrit të rasteve me koronavirus, Qeveria ka paraparë masa të reja, sidomos për sektorin e gastronomisë.

Ministri i Tregtisë dhe Industrisë, Vesel Krasniqi ka nënshkruar Urdhëresë për aplikimin e masave për luftimin e pandemisë COVID-19.

Ndër të tjera në këtë urdhëresë thuhet që distanca nga ulësja në ulësen prapa shpinës nëpër lokale, duhet të jetë jo më pak se 1.5 metra, derisa distanca në mes të ulëseve brenda tavolinës duhet të jetë së paku 1 metër.

Në një tavolinë nuk lejohen më shumë se 4 persona, përpos nëse ata janë anëtarë të një familje.

Po ashtu aty potencohet se nëpër secilin lokal duhet të ketë dezinfektues të qasshëm lehtë nga klientët, stafi duhet të jetë i pajisur me maska mbrojtëse dhe nuk lejohet shërbimi në banak.

Sipas kësaj urdhërese, servimi i tavolinave duhet të bëhet bashkë me shërbimin e porosisë dhe menyja duhet të jetë për një përdorim ose të jetë e tillë që të mund të dezinfektohet pas çdo porosie dhe të bëhet dezinfektimi dhe ajrosja e rregullt e lokaleve dhe hapësirave të punës.

Po ashtu, në çdo lokal duhet të publikohet manuali për mbrojtje nga përhapja e virusit.

Ministri Krasniqi ka nënshkruar Urdhëresë për aplikimin e masave për luftimin e pandemisë COVID-19 në sektorin e…

Δημοσιεύτηκε από Ministria e Tregtisë dhe Industrisë στις Πέμπτη, 18 Ιουνίου 2020

Benzinë vetëm 1.05 euro në Petrol Company e shumë zbritje tjera në “Be Happy Restorant” dhe Market

Të tjera