Në SHBA mund të jenë 20 milionë të infektuar me coronavirus

Në një moment kur shumë shtete kanë filluar fazën e dytë të hapjes, numri i rasteve me Covid-19 vazhdon të rritet. Në Shtetet e Bashkuara të Amerikës mund të jenë të infektuar të paktën 20 milion persona.

Qendrat për Kontrollin e Sëmundjeve (CDC) në Shtetet e Bashkuara të Amerikës ka bërë një vlerësim ku thuhet se numri i rasteve ka shumë mundësi të jetë 10 herë më i lartë se shifra e raportuar.

Ky alarm vjen në një moment kur shteti i Teksasit ndaloi hapjen për shkak të një numri të lartë të infektuarish që u shtruan në spital.

Deri në këto momente në Shtetet e Bashkuara të Amerikës raportohet për 2.4 milion raste dhe 122 mijë e 370 të vdekur nga Covid-19. Disa shtete jugore dhe perëndimore kanë raportuar shifra rekord të rasteve në ditët e fundit.

Kush ështe kosovari THE VICTOR që synon tregun e jashtëm? (video)

Sponsoruar