×
  • Lajme
  • Lajme

    Mustafa: Nëse Vjosa kërkon nga unë, do ta udhëzoj si të ketë qasje në votim, Kryesia s’ka kompetencë

    FrontOnline
    27 Qershor 2020

    Vjosa Osmani, sot i ka dërguar zyrtarisht një letër Kryesisë së Lidhjes Demokratike të Kosovës, në të cilën ka kërkuar që t’i vihet në dispozicion çdo detaj i procesit të votimit të datës 20 qershor që rezultoi me shkarkimin e saj nga pozita e Nënkryetares dhe anëtares së Kryesisë.

    Megjithatë një shërbim të tillë për Osmanin nuk mund ta kryej Kryesia e LDK’së, meqë nuk ka kompetenca.

    Kështu ka thënë kreu i Lidhjes Demokratike të Kosovës, Isa Mustafa.

    Ai potencon se një letër e tillë nuk është dërguar në adresë të Kryetarit të partisë dhe se Kryesia e LDK’së nuk është adresa që mund t’i bëjë zgjidhje Vjosa Osmanit për kërkesën e paraqitur.

    “Një kërkesë të tillë, Vjosa Osmani nuk e ka adresuar te unë, si Kryetar i LDK-së. Sipas Statutit të LDK-së, Kryetari i LDK-së i propozon Këshillit të Përgjithshëm zgjedhjen e anëtarëve të Kryesisë dhe të nënkryetarëve të LDK-së, poashtu edhe shkarkimin e tyre. Prandaj adresa nuk është Kryesia. Sepse, nuk ka te beje kjo me Kryesinë dhe fushëveprimin e saj”, ka thënë Mustafa.

    Kryetari Mustafa thotë se Osmani një kërkesë të tillë duhet t’ia dërgojë atij dhe nëse ndodh një gjë e tillë më pas do të marrë udhëzimet e duhura sesi mund të ketë qasje në rezultatin e votimit.

    “Nëse kërkon nga Kryetari, do ta udhëzoj sesi mund të ketë qasje në rezultatet e votimit”, ka theksuar tutje Mustafa për Express.

    Këshilli i Përgjithshëm i LDK’së më 20 qershor të këtij viti më 70 vota për, 16 kundër dhe 9 abstenime ka vendosur për shkarkimin e Vjosa Osmanit nga posti i nënkryetares dhe anëtares së Kryesisë së LDK’së.

    “Sa i përket propozimit për lirimin e znj. Vjosa Osmani nga pozita e nënkryetares dhe nga Kryesia e LDK-së, nga 123 anëtarë aktual të Këshillit të Përgjithshëm të LDK-së janë përgjigjur 95 anëtarë, prej tyre 70 janë shprehur për (Po); 16 janë shprehur kundër (Jo), 9 kanë abstenuar dhe 28 nuk janë përgjigjur, s’kanë marrë pjesë në votim”, thuhej në njoftimin zyrtar të LDK”së.

    Një kërkesë e tillë e kryetarit të LDK’së për shkarkimin e Osmanit drejtuar Këshillit të Përgjithshëm ka ardhur pas kundërshtimeve të njëpasnjëshme të kryekuvendares ndaj vendimeve dhe qëndrimeve të LDK’së.

    Osmani nuk ka përkrahur mocionin e LDK’së për rrëzimin e Kurtit, ka dërguar koment në Gjykatën Kushtetuese përmes të cilit kishte kërkuar që dekreti i Thaçit për Hotin të shpallet anti-kushtetues dhe gjithashtu nuk ka marrë fare pjesë në ditën kur është votuar qeveria Hoti

    Nga Rubrika
    Lajme16 Mars 2025
    Është rritur dukshëm numri i të prekurve nga kanceri në Kosovë. Vetëm në dy muajt e parë të këtij viti janë regjistruar...
    Lajme16 Mars 2025
    Kryetari i Odës së Hotelierisë dhe Turizmit të Kosovës (OHT), Hysen Sogojeva, ka theksuar se sektori privat ka luajtur rolin kryesor në...
    Lajme16 Mars 2025
    Zjarri ka përfshirë disa zona të maleve në Kamenicë. Në lidhje me këtë kanë reaguar edhe nga Komuna e Kamincës ku bëhet...
    Të tjera
    Lajme15 Mars 2025
    Nënkryetari i Lidhjes Demokratike të Kosovës, Lutfi Haziri ka folur për zgjedhjet që u mbajtën në shkurt të këtij viti. Haziri duke...
    Bota/Rajoni15 Mars 2025
    Rreth 275,000 dhe 325,000 njerëzve po besohet së kanë qenë pjesëmarrës sot në protestën masive antiqeveritare të zhvilluar në Serbi. Radio Evropa...
    Bota/Rajoni15 Mars 2025
    Presidenti serb, Aleksandar Vuçiq, ka mbajtur një konferencë të jashtëzakonshme pas protestës masive të studentëve në Beograd. Vuçiq tha se është i...
    Lajme15 Mars 2025
    Zjarret janë bërë një problematikë serioze ditëve të fundit, pasi që disa pjesë malore të vendit janë kapluar nga flakët. Një vend...
    Lajme15 Mars 2025
    Gjashtë persona janë lënduar si pasojë e një konflikti fizik në fshatin Ujmirë të Klinës. Konflikti eskaloi deri në therje me thika,...
    Bota/Rajoni15 Mars 2025
    Një protestë masive antiqeveritare është zhvilluar sot në Serbi, e cila është organizuar nga studentët, dhe që e njëjta ka ‘‘bllokuar’’ Beogradin....
    -->

    FrontOnline, © 2025 Të gjitha të drejtat e rezervuara.