Ministri Selimi, krye imami i BIK-ut, Bajgora e drejtori i SHKK-së, Thaçi, vizituan burgun e sigurisë së lartë

Po presin vizitorë për bajram.

E këtu në Burgun e Sigurisë së Lart, për festën e Kurban Bajramit erdhi Ministri i Drejtësisë Selim Selimi

Ai po shoqërohej nga kryeimami i BIK-ut, Sabri Bajgora e drejtori i SHKK-së, Nehat Thaçi.

E arsyen e vizitës, ia treguan ushtruesit të detyrës së drejtorit të këtij burgu, Burim Buleshkajt.

Më pas, ata vazhduan dhe panë për së afërmi vendin ku të burgosurit bisedojnë online me familjarët e tyre.

Kjo mënyrë e komunikimit iu mundësua të burgosurve, pasi që vizitat fizike janë ndërprerë për shkak të pandemisë COVID-19.

Nikoqiri vazhdoi edhe më tutje, e ua tregoi edhe vendin ku të dënuarit angazhohen e bëjnë punë të ndryshme.

Ani pse askush në këtë institucion nuk është i infektuar me virusin korona, ata janë të pajisur me barna e shtretër për trajtimin e pacientëve.

E derisa Selimi, Bajogra e Thaçi po shkonin të takoheshin me disa prej të burgosurve, gjithçka po monitorohej nga gardian të Shërbimit Korrektues.

Këtu ata dhuruan ëmbëlsira e pije freskuese për ata që po vuajnë dënimin në këtë burg.

Ndërsa me maska mbrojtëse e duke respektuar masat mbrojtëse, dëgjuan ankesat e kërkesat e të burgosurve.

Mirëpo televizioni nuk u lejua që të xhiroi bisedën mes tyre.

Pasi përfundoi bisedat me të burgosurit në 3 pavijone të ndryshme të burgut të sigurisë së lartë, ministri Selim Selimi tregoi për rregullimet ligjore që ai do ti bëjë.

E krye imami i Bikut shprehu dëshirën që këta të burgosur të ndryshojnë sjelljes e tyre pas daljes nga burgu.

Burgu i Sigurisë së Lart është i vendosur në fshatin Gërdoc të Podujevës, dhe në të është paraparë që të vuajnë dënimet, të dënuarit me mbi 15 vjet burgim.