×
  • Bota/Rajoni
  • Bota/Rajoni

    Maqedoni: Fillojnë me punë palestrat, prej sot objektet hotelerike do të punojnë edhe në brendësi

    FrontOnline
    26 Qershor 2020

    Objektet hotelierike prej sot mund të punojnë edhe në brendësi të objekteve përmes protokollit adekuat për punë, ndërkaq lejohet edhe puna e palestrave, përderisa qendrat tregtare do të mund të punojnë edhe të dielën.

    Këtë e mundëson Dekreti që e solli Qeveria në mbledhjen e saj të 72-të, të martën, në bazë të rekomandimeve të Komisionit për sëmundje ngjitëse. Në pajtim me protokollet për punë, të punësuarit në objektet hotelierike të cilët shërbejnë, detyrimisht duhet të mbajnë maska mbrojtëse dhe ta mbajnë higjienën e duarve shpesh. Në hapësirën për shërbim të mysafirëve, ku janë të vendosura tryezat, duhet të sigurohet distancë mes karrigeve prej 1,5 deri dy metra me tryezat fqinje në të gjitha drejtimet.

    Në një tryezë me katër karrige mund të ulen dhe të shërbehen maksimum dy persona apo katër, nëse janë të një familjeje. Lejohet numër maksimal prej 12 personave në tryeza të ngjitura së bashku me distancën e detyrueshme mes secilit mysafir prej 1,5 metra.
    Detyrimisht duhet të vendoset mjet dezinfektues për duar në çdo tryezë. Ndalohet organizimi i festave (dasma, ditëlindje dhe të ngjashme).

    Gjatë organizimit të lojërave të fatit në automat klubet, numri i personave është i kufizuar, përkatësisht më së shumti një person mund të jetë i pranishëm në pesë metra katrorë, ndërsa në hyrje, detyrimisht duhet të ketë shërbim për mirëmbajtjen e rendit i cili kryen dezinfektimin e duarve për të gjithë personat që hyjnë në objekt, kontroll të pajisjes mbrojtëse (maska mbrojtëse). Pajisja mbrojtëse është e detyrueshme gjatë hyrjes dhe lëvizjes në objekt. Në objekt është e detyrueshme mbajtja e distancës prej së paku 1,5 metër, ndërsa në rast të distancës më të vogël duhet të përdoren ndarëse plastike, xhami apo të ngjashme, paravane dhe të ngjashme.

    Kushte të ngjashme ka edhe për organizimin e lojërave të fatit nëpër kazino, me atë që shërbimi për mirëmbajtjen e rendit do të bëjë lëshimin e kontrolluar të personave në objekt me ruajtje të distancës prej ë paku dy metrave deri tek recepsioni i kazinos. Njëherit pozicionet për regjistrim të vizitorëve duhet të jenë të ndara së paku dy metra nga njëri-tjetri. Prania e personave nëpër arka në objekt është me mirëmbajtje të dy metrave distancë.

    Për lojë në aparate të fatit (AIS) nëse mysafirët ulen në vendin e lojës në AIS dhe me atë rast është ruajtur distanca minimale apo vendi i lojës është siguruar me paravane, atëherë mbajtja pajisjes mbrojtëse është e detyrueshme gjatë lojës. Nëse mysafirët ulen në vendin e lojës në AIS me më shumë vende (rulet elektronik) dhe me atë rast është ruajtur distanca minimale apo vendi i lojës është siguruar me paravan, atëherë mbajtja e pajisjes mbrojtëse është e detyrueshme gjatë lojës.

    Për lojë në tryeza është paraparë që loja Ruleti amerikan të zhvillohet me më së shumti tre lojtarë, me ç’rast mbajtja e pajisjes mbrojtëse është e detyrueshme.

    Black Friday në NimiTV | 13 muaj abonim për vetëm 6€ muaji
    Nga Rubrika
    Bota/Rajoni17 Qershor 2024
    Mungesa e ligjeve për monedhat dixhitale e ka ngadalësuar përhapjen e tyre në Shtetet e Bashkuara. Zëri i Amerikës, Deana Mitchell, raporton...
    Bota/Rajoni17 Qershor 2024
    Prezantohet në panairin ndërkombëtar EUROSATORY që po mbahet në Paris, prototipi i parë i makinës ushtarake shqiptare “Shota”. Shqipëria merr pjesë për...
    Bota/Rajoni17 Qershor 2024
    Presidenti rus Vladimir Putin do të vizitojë Korenë e Veriut këtë javë për herë të parë në 24-vjet, thanë të dy vendet,...
    Të tjera
    Lajme18 Qershor 2024
    Lordi George Robertson, ish-Sekretar i Përgjithshëm i NATO-s, nuk e përjashtoi mundësinë e përshkallëzimit të situatës në Ballkanin Perëndimor, kur solli në...
    Lajme18 Qershor 2024
    Sekretari i Përgjithshëm i NATO-s, Jens Stoltenberg, tha se Kina po i ofronte Rusisë teknologji që po zgjat pushtimin rus të Ukrainës...
    Lajme18 Qershor 2024
    Udhëheqësit e Bashkimit Evropian përfunduan pa marrëveshje një diskutim të hënën se kush duhet të marrë postet kryesore të bllokut evropian për...
    Lajme18 Qershor 2024
    Ushtruesi i detyrës së kryetarit të Organizatës së Veteranëve të Luftës së Ushtrisë Çlirimtare të Kosovës (OVL-UÇK), Faton Klinaku, për FrontOnline thotë...
    Lajme18 Qershor 2024
    Komisioni për Mjedis, Ushqim, Bujqësi, Planifikim dhe Zhvillim do të mblidhet sot.Ky komision pritet që sot ta bëjë shqyrtimin e Projektligjit për...
    Lajme18 Qershor 2024
    Mësimdhënësit, përveç arsimimit të nxënësve, kanë përgjegjësi edhe t’i edukojnë ata. Këtë, arsimtarët e realizojnë në orët e kujdestarisë, për të cilat...

    FrontOnline, © 2024 Të gjitha të drejtat e rezervuara.