Ndonëse në Kosovë shumëkush tha se administrata e Trumpit dhe Bashkimi Evropian janë në një lloj “përplasjeje” për çështjen e Kosovës, kjo nuk duket të jetë aspak kështu.

Madje, duket se emisari special i SHBA-ve për dialogun, Richard Grenell, dhe ai i BE-së, Miroslav Lajçak kanë mjaftë raporte të mira dhe shoqërore, shkruan lajmi.net.

Ndonëse Lajçak nuk ka shprehur simpati për ndonjërin nga kandidatët për president në SHBA, ai siç duket përkrah Trumpin.

Lajçak ia ka pëlqyer një postim në Twitter Grenellit, ku ky i fundit citon fjalët e kundërkandidatit të Trump, Joe Biden, dhe të njëjtin e cilëson si person që përkrahet nga Kina.

“Senator Joe Biden: SHBA-të mirëpresin emergjencën e integrimit prosperues të Kinës në skenën globale, sepse presim që kjo do të jetë Kina që luan në bazë të rregullave. (Joe tani përkrahet nga Kina”, ka shkruar Grenell.

Megjithëse ky postim është bërë për qëllime elektorale pasë parasysh garën presidenciale në SHBA, i njëjti është pëlqyer nga Lajçak.

Lajçak e Grenell janë dy emisarë special për dialogun, të caktuar nga Bashkimi Evropian, respektivisht SHBA-të.

Të dy këta, nuk ishin përfolur ndonjëherë për bashkëpunim të ngushtë në këtë proces, apo bashkërendim të veprimeve të tyre.