Qyteti i Vushtrrisë momentalisht është qyteti me më së shumti raste aktive me Coronavirus në Kosovë, raporton Front Online.

Me 22 rastet raste e konfirmuara pozitive mbrëmë me Coronavirus, në këtë qytet numri i rasteve aktive ka shkuar në 154.

Kryetari i Vushtrrisë, Xhafer Tahiri ka thënë mbrëmë që shumica e këtyre rasteve janë të një familjeje.

“Sonte u konfirmuan edhe 22 raste të reja me Covid 19 në qytetin tonë. Të gjitha janë raste kontakti. Aktualisht kemi 154 raste aktive, 40 të shëruar dhe 2 qytetarë të vdekur. Një numër i madh i qytetarëve e kanë kaluar kohën e shërimit dhe po presim ritestimin për konfirmim të shërimit te tyre Më shqetëson tepër shumë numri i madh i infektimeve brenda të njejtës familje. Kjo dukuri e ka rritur shumë numrin e rasteve. Ju lutemi KUJDES ruani familjet tuaja”, ka shkruar Tahiri në një postim në “Facebook”.

Në ndërkohë dje në Kosovë janë konfirmuar edhe 49 raste të reja me Coronavirus. Numri i përgjithshëm i të prekurve me këtë virus ka shkuar në 1 mijë e 486 të infektuar me teksa 500 raste janë aktive.

Kujtojmë që të shëruar nga Coronavirusi janë 953 persona, teksa janë shënuar edhe 33 raste të vdekjes nga ky virus. /Front Online

IKSHPK-ja ka rekomanduar mbylljen e këtyre sektorëve pas shfaqjes së rasteve me Coronavirus!