Një 60-vjeçar humbi jetën pasi u godit me sende të forta nga fqinji i tij
Sipas policisë, viktima është Bujar Mehmeti dhe është goditur disa herë me sende të forta ndërsa autori dyshohet se është 25 vjeçari Jurgen Leci dhe është shpallur në kërkim.
Bujar Mehmeti ndërroi jetë në spital për shkak të plagëve të marra.
“Rreth orës 10:04, pranë një karburanti në lagjen “11 Janari” Vlorë, dyshohet se pas një konflikti për motive pronësie midis 2 shtetasve (fqinjë) ka mbetur i dëmtuar rëndë shtetasi B.M., 60 vjeç, i cili ka ndërruar jetë në Spitalin Rajonal të Vlorës”, thuhet në njoftimin e policisë.
Gazetari i Ora News, Edi Ruçi raporton se autori dhe viktimat janë nga fshati Gorishtë. 60-vjeçari dhe kanë lidhje familjare. Ndërkohë mësohet se përveçse se mund te jetë goditur me shkop bejsbolli.
Policia ka shoqëruar dy punonjës të karburantit për tu marrë në pyetje si dëshmitarë në lidhje me ngjarjen.
Po punohet për kapjen dhe arrestimin e autorit.
Brenda dy ditësh janë raportuar disa ngjarje të rënda kriminale mes tyre dhe dy vrasje të dyfishta në Lezhë e Durrës./ oranews
