×
  • Lajme
  • Lajme

    Krejt çka ndodhi deri më tani në aksionin e sotëm të Eulexit në zyret e OVL-UÇK-së

    FrontOnline
    25 Shtator 2020

    Paradita e sotme nisi zhurmshëm në Organizatën e Veteranëve të Luftës së UÇK-së. Diku rreth orës 11:00 në zyrat e kësaj organizate hynë pa paralajmërim dhjetëra policë të armatosur e të maskuar të EULEX-it.

    Urdhëri ishte i qartë. Specialja dërgoi sot në zyret e Veteranëve të Luftës dhjetëra policë të armatosur rëndë të EULEX-it. Një pjesë e madhe e këtyre policëve u futën brenda selisë, teksa një pjesë u stacionuan edhe jashtë, në rast të ndonjë eventualiteti që mund të nxiste tensionim të situatës.

    Hyrja e selisë së OVL-së u mbush me gazetarë. Para shkallëve që çonin në katet e sipërme ku gjenden zyrat e organizatës, qëndronin diku rreth 4-5 policë të maskuar, që vëzhgonin çdo lëvizje, hyrje-dalje aty.

    Situata ishte e paqartë ende, ndërsa dikush fliste për arrestime, e dikush veç për bastisje. Disa minuta më vonë, aty u shfaq avokati i angazhuar nga OVL, Tomë Gashi. Ky i fundit nuk foli para mediave, por në bashkëbisedim me gazetarë tha se operacioni ishte bastisje.

    “Unë besoj që nuk po e kërkojnë askënd, atë që e kërkojnë e dinë se ku me gjet”, tha ai.

    Zyrtarë të OVL-së hynin e dilnin vazhdimisht nga zyrat e tyre, pa u penguar nga policët që gjendeshin tek porta. Por, kjo nuk zgjati shumë.

    Pak më vonë aty erdhi edhe sekretari i Organizatës, Faton Klinaku. I frustruar e nervozuar, Klinaku para mediave nuk hezitoi që zyrtarët e Speciales t’i quaj kriminelë. Madje tha se nëse nuk ka veprim nga shteti, ata do të veprojnë si në kohën e Jugosllavisë.

    “Jeni duke vepruar si në kohën e Jugosllavisë. Ju thash ashtu dhe nëse shteti ynë nuk merr masa ndaj këtyre kriminelëve, do të jemi të detyruar të veprojmë ndaj tyre si ndaj Jugosllavisë”, deklaroi ai para gazetarëve.

    E shteti u paraqit pas deklaratës së Klinakut. Aty erdhën Policia e Kosovës për të larguar gazetarët nga hyrja e objektit ku gjenden zyret e OVL-së. Pak më vonë, gazetarët i përcollën deri në anën tjetër të rrugës.

    Dalja e gazetarëve në anën tjetër të rrugës solli një qetësi të shkurtër tek vendi i ngjarjes. Qetësinë e prishën hetuesit e Speciales që me pako të boshatisura hynë brenda objektit të Organizatës së Veteranëve të Luftës. Fillimisht, u mendua se aty do të ketë vetëm bastisje.

    Hyrja e hetuesve brenda në OVL të UÇK-së u përcoll me indinjatë të veteranëve të tjerë dhe personave që ishin mbledhur aty, e po ndiqnin këtë “shfaqje”. Shumëkush kush kalonte madje s’e dinte se as çfarë po ndodhte.

    Llogaritjet se sot s’do ketë arrestime u prishën rreth gjysmë ore më vonë. Nënkryetari i OVL-së, Nasim Haradinaj, konfirmoi se është arrestuar kreu i organizatës, Hysni Gucati. Krejt çka pritej, ishte që Gucati të dilte i prangosur nga selia ku punoi pas luftës.

    Tensionimit të mundshëm të situatës i paraprinë forcat e shtuara të Policisë së Kosovës që u paraqitën aty. Kësaj radhe ishin Njësia Speciale.

    Rrethimi i hyrjes së OVL-së, u pasua me daljen e Hysni Gucatit nga selia e organizatës me pranga në duar. Kjo u përcoll me brohoritje dhe nervozizëm tek qytetarët. Hysni Gucati u mor nga makinat e blinduara që ishin sjellë nga forcat e EULEX-it. I njëjti pritet të dërgohet për në Hagë.

    Arrestimi i Gucatit gati dy orë më vonë u përcoll me protesta nga disa veteranë që ishin mbledhur tek selia e OVL-së, të cilët hodhën shishe në drejtim të policëve të EULEX-it që janë të pozicionuar para zyrave të organizatës.

    Lajmi.net ka pyetur në Zyrën e Prokurorit të Specializuar se cila ishte arsyeja e arrestimit të Gucatit, se a ishin dosjet apo konfirmimi i ndonjë aktakuze, mirëpo që të njëjtit nuk kanë kthyer përgjigje.

    Një aksion të ngjashëm ndërkaq, forcat e EULEX-it e kryen edhe dje, por pa praninë e mediave, kur u arrestua ish-eprori i UÇK-së, Salih Mustafa.

    EKSKULZIVE: Art Motion dhe Klan Kosova fitojnë të drejtën televizive të Superligës, Ligës së parë si dhe Kupës së Kosovës 
    Nga Rubrika
    Lajme29 Mars 2024
    Shefi i grupit parlamentar i PDK-së, Abelard Tahiri, ka thënë se kjo parti nuk do të heqë dorë nga themelimi i Komisionit...
    Lajme29 Mars 2024
    Deputetja nga radhët e Lidhjes Demokratike të Kosovës, Hykmete Bajrami, i ka reaguar Ministrit të Financave, Punës dhe Transfereve, Hekuran Muratit, i...
    Lajme29 Mars 2024
    As Qeveria, as kryeministri, as presidenti, e as kryetari i Parlamentit të Malit të Zi nuk kanë reaguar lidhur me votën e...
    Të tjera
    Lajme29 Mars 2024
    Lidhja Demokratike e Kosovës dhe Lëvizja Vetëvendosje, kanë mendime të ndryshme sa i përket meritave për avancimin e Kosovës drejtë anëtarësimit në...
    Lajme29 Mars 2024
    Deputeti i Lëvizjes Vetëvendosje, Dimal Basha, ka goditur opozitën lidhur me investimet për blerje të sistemeve të armatimit, ku ka thënë se...
    Lajme29 Mars 2024
    Qeveria e Kroacisë ka nisur procedurat për njohjen e ndërsjellë të patentë shoferëve mes Zagrebit dhe Prishtinës. Kjo u bë e ditur...
    Lajme29 Mars 2024
    Në kuadër të rotacionit të madh në postet diplomatike të Bashkimit Evropian nëpër botë, Mirosllav Lajçak, që aktualisht është i dërguari i...
    Sport29 Mars 2024
    Boksieri shqiptar, Florian Marku është duke u përgatitur për meçin e së dielës, ndaj Chris Kongo. Dje në konfernecë për media dhe...
    Kronika29 Mars 2024
    Të paktën gjashtë raste të dhunës në familje janë regjistruar në raportin e fundit 24-orësh të Policisë. Dy prej rasteve kanë ndodhur...

    FrontOnline, © 2024 Të gjitha të drejtat e rezervuara.