Ministri i Tregtisë dhe Industrisë , Vesel Krasniqi, priti në takim ambasadorin e Austrisë̈ në Kosovë, Christoph Weidinger.
Krasniqi e njoftoi ambasadorin për përkushtimin e Qeverisë së Kosovës për t’i mbështetur bizneset në tejkalimin e sfidave që janë shkaktuar nga pandemia Covid-19.
Krasniqi tha se Qeveria e Kosovës e ka ndarë në dy faza ndihmën ndaj bizneseve, e që sipas tij, faza e parë është pakoja emergjente fiskale, me qëllim të mbajtjes aktive të bizneseve dhe faza a dytë rimëkëmbja ekonomike.
Ndërsa, Weidinger i uroi detyrën e re ministrit Krasniqi, duke shprehur gatishmërinë e vendit të tij që të fuqizohen edhe më shumë marrëdhëniet Kosovë-Austri, veçanërisht në aspektin ekonomik.
Ambasadori tha se e vlerëson shumë të rëndësishëm partneritetin në mes Austrisë dhe Kosovës.
