×
  • Tenderët
  • Tenderët

    Komuna e Prishtinës anuloi tenderin 200 mijë euro, vendimi vlerësohet si i pabazuar

    FrontOnline
    13 Shkurt 2020

    Komuna e Prishtinës ka anuluar aktivitetin e prokurimit në vlerë prej rreth 200 mijë euro për furnizim me pajisje mjekësore për Qendrën Kryesore të Mjekësisë Familjare (QKMF), duke e eliminuar nga gara kompaninë “Lego SHPK” me arsyetimin se kjo e fundit nuk ka ofruar dëshmi të mjaftueshme për kontrata të realizuara në vlerë prej 100 mijë euro në tri vitet e fundit.

    Por, me këtë vendim nuk është pajtuar kompania e eliminuar nga gara e as eksperti shqyrtues i angazhuar nga Organi Shqyrtues i Prokurimit, Ilir Halili, i cili pas shqyrtimit të dosjes së tenderit ka rekomanduar që të aprovohet ankesa e kompanisë “Lego” dhe njëkohësisht lënda të kthehet në rivlerësim, raporton portali “Front Online”.

    Zeqir Fetoshi, përfaqësues ligjor i kompanisë “Lego SHPK”, ka deklaruar në seancën e Organit Shqyrtues të Prokurimit (OSHP) se  arsyeja e eliminimit nga gara të kësaj kompanie është plotësisht e pabazuar, pasi që, siç ka thënë ai, kanë dërguar dëshmi të mjaftueshme se kanë tejkaluar vlerat e kontratave të realizuara në shumë prej 100 mijë euro në tri vitet e fundit.

    “Ju lutem të shikoni listën e kontratave dhe referencat të cilat i kemi bashkangjitur, sepse ne kemi ofruar dëshmi konkrete dhe të mjaftueshme për tu shpallur fitues i këtij Loti”, ka thënë Fetoshi në seancën e OSHP-së, duke shtuar se Komuna e Prishtinës në këtë aktivitet të prokurimit ka vepruar në kundërshtim me Rregullat dhe Udhëzuesit Operativ për Prokurim Publik.

    Ai është pajtuar me konstatimet e ekspertit shqyrtues, i cili, siç tha ai, e ka analizuar në detaje ofertën e kompanisë “Lego”, konkretisht kontratat dhe referencat që i posedojnë.

    Në anën tjetër, Kaltrina Dalipi nga Komuna e Prishtinës ka kërkuar që të hidhet poshtë ankesa e kompanisë “Lego”, pasi që, sipas saj, kjo e fundit është eliminuar nga gara se nuk ka realizuar kontrata në tri vitet e fundit në vlerë prej 100 mijë euro.

    “Operatori ekonomik ka ofruar dëshmi, mirëpo të gjitha ato dëshmi janë për material shpenzuese dhe asnjë nuk është për pajisje mjekësore”, ka pohuar Dalipi.

    Por, eksperti shqyrtues nuk është pajtuar me deklaratat e zyrtares së Komunës së Prishtinës, duke thënë se ka konstatuar në raport se referencat e kompanisë ankuese janë në rregull.

    Vendimi i Panelit Shqyrtues për këtë aktivitet Prokurimit do të merret në ditët në vijim, deri sa portali “Front Online” do t’u mbaj të informuar në vazhdimësi për rrjedhën e këtij procesi të prokurimit.

     

    Në MINIMAX kanë filluar zbritjet finale me çmime fikse 2€, 5€, 7€, 9€
    Nga Rubrika
    Tenderët24 Janar 2024
    Ministria e Punëve të Brendshme (MB) që drejtohet nga Xhelal Sveçla, ka shpallur një tender prej 120 mijë euro për shërbime hoteliere,...
    Tenderët11 Janar 2024
    Telekomi i Kosovës ka shpërblyer me tender 15 milionësh kompaninë nga Kroacia “Ericsson Nikola Tesla d.d”, raporton Front Online. Në njoftimin e...
    Hulumtime10 Janar 2024
    Ministria e Shëndetësisë (MSH) ka shpallur tenderin prej më shumë se 22 milionë euro për përfundimin e punimeve në ndërtimin e objektit...
    Të tjera
    Kronika18 Prill 2024
    Është arrestuar një serb në Leshak, pasi i njëjti dyshohet se ka hyrë ilegalisht në Kosovë. Policia ka njoftuar se me vendim...
    Lajme18 Prill 2024
    Guvernatori i Bankës Qendrore të Kosovës, Ahmet Ismaili, është pritur në Departamentin e Thesarit të Shteteve të Bashkuara të Amerikës, bashkë me...
    Kronika18 Prill 2024
    Është arrestuar një burrë në Fushë Kosovë pasi që i njëjti më 10 prill dyshohet se kishte sulmuar një person të cilit...
    Kronika18 Prill 2024
    Tre të dyshuar janë arrestuar dje në Ferizaj, pasi në veturën e tyre policia gjeti kokainë, marihuanë, letra mbështjellëse dhe grinder për...
    Kronika18 Prill 2024
    Dy persona janë arrestuar në Prishtinë nën dyshimin se kanë vënë në qarkullim para të falsifikuara. Sipas raportit policor, me vendim të...
    Lajme18 Prill 2024
    Kryetari i komunës së Gjilanit, Alban Hyseni, ka bërë të ditur se komuna që ai udhëheq ka vendosur që për herë të...

    FrontOnline, © 2024 Të gjitha të drejtat e rezervuara.