Kreu i Lëvizjes Shqiptare për Veprim Demokratik, Shaip Kamberi, tha se, sipas rezultateve të para paraprake të zgjedhjeve parlamentare në Serbi , një koalicion i gjerë i partive shqiptare atje sigurisht që do të ketë dy deputetë, dhe pritet ta ketë të tretin.

Kamberi në një prononcim për Prva Tv. kujtoi se kjo lëvizje pothuajse gjithmonë shkoi në zgjedhjet parlamentare në Serbi, ndryshe nga anëtarët e tjerë të koalicionit aktual të partive shqiptare, të cilat sipas tij nuk e bënë këtë për më shumë se 30 vjet.

Ai sqaroi se ato parti nuk shkuan më herët në zgjedhjet parlamentare, në mënyrë që të mos konsiderohej se e njihnin Serbinë si shtetin e tyre në atë mënyrë, transmeton Klan Kosova.

Kamberi shprehu kënaqësi që shkuan shkuan në votime së bashku dhe se ata do të kenë deputetët e tyre në parlament me qëllim të përmirësimit të pozitës së shqiptarëve atje përmes institucioneve shtetërore.

Në zonat e banuara me shqiptarë sipas informacioneve është regjistruar një pjesëmarrje e madhe – në Bujanoc rreth 50 përqind, dhe në Preshevë ku mjedisi shqiptar është pothuajse 100 përqind, deri në 25 përqind të qytetarëve