Në 24 orët e fundit kanë humbur jetën në Itali 179 persona, ndërsa janë shëruar 1401 të tjerë. Ndërkohë që me koronavirus janë infektuar 744 persona krahasuar me dje.
Italia ka nisur javën dytë të fazës së dytë të bashkëjetesës me virusin e kurba e pandemisë prej disa ditësh regjistron një qëndrueshmëri drejt uljes së numrit të viktimave e të rasteve pozitive.
Numri total i viktimave ka arritur në 30,738 e numri total i personave të infektuar nga Covid 19 deri më sot është 219,814.
Persona aktualë pozitiv me koronavirus në Itali janë 82,488.
Pacientë që po kurohen në struktura spitalore janë 13,539.
Pacientë që po kurohen në repartet e terapisë intesive janë 999 e 28 pacientë më pak se një ditë më parë.
Pacientë të shëruar nga Covid19 deri më sot më sot në Itali janë 106,587.
Qeveria italiane pritet të aprovojë gjatë orëve në vijim planin ekonomik për ngritjen e ekonomisë pas dëmeve kolosale që pandemia po shkakton në të gjitha sektorët prodhues e tregtarë.
