Lajme

Hoti takon Varhelyi, ia kërkon liberalizimin e vizave për kosovarët

Hoti takon Varhelyi, ia kërkon liberalizimin e vizave për kosovarët
21:06 | 25 Qershor 2020

Kryeministri i Kosovës, Avdullah Hoti e ka takuar sot Komisionerin e BE-së për Fqinjësi dhe Zgjërim, Oliver Varhelyi.

Temë kryesore e diskutimit mes Hotit dhe Varhelyi ishte liberalizimi i vizave për kosovarët si një nga temat më të rëndësishme.

Ky është njoftimi i plotë i kryeministrisë:

Kryeministri i Republikës së Kosovës, Avdullah Hoti, ka takuar sot Komisionerin e BE-së për Fqinjësi dhe Zgjerim, z. Oliver Varhelyi, me të cilin kanë biseduar për zhvillimet e fundit politike, prioritetet e Qeverisë së Kosovës në luftën kundër pandemisë të shkaktuar nga COVID 19 dhe pakon për rimëkëmbje ekonomike.

Temë kryesore e këtij diskutimi ishte procesi i liberalizimit të vizave, ku kryeministri Avdullah Hoti, ka theksuar nevojën urgjente për përmbylljen e këtij procesi, si një ndër çështjet më me rëndësi të Kosovës në raport me Bashkimin Evropian. Në takim u fol edhe për agjendën e re për reforma evropiane.

Kosova dhe qytetarët e saj janë të përcaktuar në orientimin e tyre properëndimor, prandaj kryeministri Hoti ka vlerësuar se është e rëndësishme që edhe Bashkimi Evropian të ndërmarrë hapat e nevojshëm, që të sigurohet lëvizja e lirë për qytetarët e Kosovës.

Prince Caffe: Hape dhe fito preminë kryesore, çdo muaj nga një Fiat 500

Të tjera