Kryeministri i Republikës së Kosovës, Avdullah Hoti, gjatë raportimit të tij në Kuvend lidhur me çështjen e dialogut mes Kosovës e Serbisë, ka thënë se ai ka caktuar koordinatorin e dialogut në përputhje me platformën për dialog, në përputhje me vendimin Qeverisë për zyrën për dialog dhe autorizimet kushtetuese që ka ai si kryeministër.

Hoti ka thënë se Skënder Hyseni ka përvojë të madhe në diplomaci duke qenë për shumë vite afër Presidentit Rugova, duke shërbyer si shef i diplomacisë së Kosovës dhe personi kryesor që ka përfaqësuar Kosovën në Gjykatën Ndërkombëtarë të Drejtësisë kur u vulos deklarata e pavarësisë.

“Unë i besoj atij dhe ai më përgjigjet mua, ai më përfaqëson mua në procesin e dialogut dhe punon sipas udhëzimeve të mia.”, ka thënë tutje kryeministri Hoti.

Avdullah Hoti përpara deputetëve të Kuvendit ka prezantuar platformën e qeverisë me parimet kryesore në procesin e dialogut me Serbinë.

https://www.facebook.com/FrontOnlineMedia/videos/2623184581282143/