×
  • Lajme
  • Bota/Rajoni
  • Bota/Rajoni

    Grenell: Qëllimi është të krijohet një “Zonë mini Shenzen” ndërmjet Kosovës dhe Serbisë

    FrontOnline
    23 Qershor 2020

    Një qasje ekonomike është “hapi i parë” për të arritur një paqe të qëndrueshme midis Serbisë dhe Kosovës.

    Kështu ka thënë ish u.d. i drejtorit të Inteligjencës Kombëtare, Richard Grenell për “Newsmax TV”.

    Në këtë drejtim, siç ka thënë Grenell, ndër tjerash, ajo për çfarë ai është duke u përpjekur është krijimi i asaj që ai e ka quajtur “Zonë mini Shenzen”, duke iu referuar zonës së parë të veçantë ekonomike të Kinës.

    “Ne vendosëm të përfshihemi sepse ka një histori të gjatë të shumë ekspertëve të ndryshëm, të ashtuquajtur ekspertë, që kanë bërë thirrje për çështje politike, duke injoruar kryesisht çështjet ekonomike”, Grenell, i cili është i dërguari special i presidentit amerikan për negociatat ndërmjet Kosovës dhe Serbisë, i tha “Agjendës Amerikane”.

    “Kur fillova diskutimin e këtyre çështjeve me njerëzit e Kosovës, dhe komunitetin e biznesit në Kosovë, njerëzit e Serbisë dhe komunitetin e biznesit atje, ajo që ishte e qartë është se ata donin zhvillim ekonomik; ata donin punë për të rinjtë; ata donin shpresë”.

    “Dhe kështu, ajo që ne u përpoqëm të bëjmë është të kuptojmë menjëherë ‘si ta bëjmë ekonominë të shënojë rritje?’ Ne bëmë një marrëveshje ajrore, e para ndonjëherë në 21 vjet, një fluturim midis Prishtinës, kryeqytetit të Kosovës dhe Beogradit, kryeqyteti i Serbisë”.

    “Kjo ende nuk është implementuar plotësisht, por ne kemi marrëveshjen, dhe ne jemi duke punuar në të. Njësoj me marrëveshjen hekurudhore, e cila do të hapte kufijtë për tregti, dhe një marrëveshje të madhe kufitare me trafikun motorik. Çfarë jemi duke u përpjekur të bëjmë është të përqendrohemi në situatën ekonomike, të krijojmë një ‘Zonë mini Shenzhen’”, citohet të ketë thënë Grenell, duke iu referuar zonës së parë të veçantë ekonomike të Kinës.

    “… Sillni bizneset evropiane dhe amerikane në rajon, dhe atëherë unë mendoj se evropianët do të kenë më shumë sukses në anën politike”, vazhdoi Grenell. “Ne po mundohemi të jemi të dobishëm dhe po përpiqemi të zhvendosim modelin, sepse pas 20 vjetësh ende nuk kemi parë përparim të mjaftueshëm”.

    Dhe kur është pyetur nëse ai është i shqetësuar për ndikimin e Rusisë mbi rajonin, Grenell ka shtuar: “Ne jemi gjithmonë të shqetësuar për propagandën që Rusia shtyn dhe politikat e destabilizimit; ne jemi gjithmonë duke e përcjell këtë”.

     Petrol Company  prin me çmime me të lira në derivate dhe shumë oferta të tjera
    Nga Rubrika
    Bota/Rajoni18 Qershor 2024
    Tuneli i Llogarasë është gati. Kryeministri i Shqipërisë, Edi Rama, ka zbuluar se ky tunel do të hapët më 5 korrik. “Tuneli...
    Kronika18 Qershor 2024
    Një person është arrestuar në Pejë, pasi që gjatë kontrollit në veturën e tij janë gjetur dhe konfiskuar një pistoletë Zoraki me...
    Kronika18 Qershor 2024
    Një burrë në Prishtinë ka raportuar se dikush ka hyrë në banesën e tij dhe ka vjedhur një shumë të parave. Rasti...
    Të tjera
    Lajme18 Qershor 2024
    Presidentja Vjosa Osmani ka shpërndarë një video me një përmbledhje nga pjesëmarrja e saj në Samitin për Paqe që u mbajt në...
    Lajme18 Qershor 2024
    Sekretari i AAK-së, njëherit kryetar i OVL-UÇK-së në Pejë, Gazmend Syla, për FrontOnline thotë se pensionet që marrin aktualisht veteranët e UÇK-së,...
    Lajme18 Qershor 2024
    Temperatura të larta do të ketë të martën në Kosovë. Sipas Institutit Hidrometeorologjik të Kosovës temperaturat maksimale do të jenë nga 28-32...
    Lajme18 Qershor 2024
    Një ngjarje tragjike ka ndodhur mëngjesin e sotëm në Prizren, ku një grua dyshohet se është vetëvrarë. Lajmin e ka konfirmuar Shaqir...
    Lajme18 Qershor 2024
    Deputeti i PDK-së, Hisen Berisha, për FrontOnline, thotë se është detyrim ligjor që kategoria e veteranëve të luftës, të jetë nën nivelin...
    Lajme18 Qershor 2024
    Bashkimi Evropian ka thënë se afati i dorëzimit të raportit të Përfaqësuesit të Lartë të BE-së, Josep Borrell, rreth masave të vendosura...

    FrontOnline, © 2024 Të gjitha të drejtat e rezervuara.