×
  • Lajme
  • Lajme

    Gjini për situatën me COVID-19: Spitali i Gjakovës po përballet me probleme, në vjeshtë situata mund të jetë më e rëndë

    FrontOnline
    28 Korrik 2020

    Gjini për situatën me COVID-19: Spitali i Gjakovës po përballet me probleme, në vjeshtë situata mund të jetë më e rëndë

    Kryetari i Komunës së Gjakovës, Ardian Gjini ka folur për situatën pandemike me COVID-19 si dhe për projektet publike të cilat janë duke u kryer në këtë komunë.

    Gjini ka thënë se gjatë kohës së pandemisë ka pasur ngecje në punët administrative në komunë, pasi një pjesë e administratës nuk ka punuar.

    Ai tha se për shkak të situatës me COVID-19, disa biznese janë dëmtuar duke përfshirë dhe gastronominë, përcjell Telegrafi.

    “Ka pas ngecje për shkak se jo gjithçka tek pjesa administrative ka shkuar si vitin e kaluar, pasi një pjesë të stafit jemi detyruar ta lëshojmë në pushim. Nëse në punë kemi më pas raste me COVID-19, atëherë me pas mundësi me i zëvendësu shërbyesit civil që mos të kemi mungesa. Këto rezerva të personelit kanë shkaktuar ngecje në procedurat të cilat i kemi, nuk janë ngecje të mëdha por prapë ka pasur ngecje. Edhe në Gjakovë sikur në gjithë Kosovën bizneset janë dëmtuar. Edhe gastronomia është dëmtuar, por edhe bizneset tjera”, ka thënë Gjini.

    Sipas tij, Komuna e Gjakovës deri në muajin qershor ka rezultuar si një ndër komunat me më pak raste, por siç tha ai numri i rasteve për momentin është rritur.

    Ai theksoi se numri i rasteve të të infektuarve është në rritje e sipër, si dhe siç u shpreh ai spitali i Gjakovës është duke u përballur me probleme.

    “Deri në qershor kemi qenë ndër komunat me më pak raste. Në total kemi pas 16 raste, tash kemi më shumë raste. Dje e kemi pas një takim virtual me kryeministrin dhe me të gjithë kryetarët e komunave. Të gjithë e kanë punën e vet, por unë besoj që duhet me pas shtrëngime, në numrin e limituar të njerëzve. Kosova ka problem, numri është shumë i madh i rasteve. Spitalet tona kanë problem në Gjakovë, e kemi reduktuar një pjesë të stafit, e kemi reduktuar numri e stafit sikur në të gjitha spitalet. Kur të arrijmë në vjeshtë do të kemi probleme jashtëzakonisht të mëdha”, ka thënë Gjini.

    Kryetari i Komunës së Gjakovës, po ashtu foli edhe për kandidimin e tij në zgjedhjet e ardhshme, ku tha se do të kandidoj dhe për një mandat.

    “Në planet që i kam tash do të kandidoj edhe për një mandat. Jo të gjitha punët do të kryhen deri në fund të mandatit tim. Ka pas rritje shumë, do të bëhet bilanci në fund. Projektet të cilat janë të mëdha për nga vlera është rruga ‘Bujar Roka’, që e kalon shumën 3 milion euro, por projekti i cili ka me mbet në kujtesën e qytetarëve është lumi ‘Krena’, në vlerë prej 1.5 milion euro”, tha ai.

    20 mijë qytetarë të Gjakovës bëhen me rrjet të ri
    Nga Rubrika
    Lajme29 Mars 2024
    Ministrja e Drejtësisë, Albulena Haxhiu ka akuzuar përfaqësuesit e Këshillit Gjyqësor dhe Prokurorial për tendencë kushtëzimi për Ministrinë e Drejtësisë. Ajo tha...
    Lajme28 Mars 2024
    Rusia dështoi të enjte në përpjekjen për një seancë të Këshillit të Sigurimit të Kombeve të Bashkuara, ku do të diskutohej rreth...
    Lajme28 Mars 2024
    Kryeministri Albin Kurti, ka bërë iftar bashkë me ambasadorin e Turqisë në Kosovë, Sabri Tunç Angılı, zëvendësministrin në Ministrinë e Punëve të...
    Të tjera
    Lajme28 Mars 2024
    Kandidati i PDK-së për kryeministër, Bedri Hamza, ka folur për kandidaturën e tij dhe përballjen në zgjedhje me kryetarin e VV-së, Albin...
    Sport28 Mars 2024
    Florian Marku këmbëngul se Chris Kongo, kundërshtari i tij mbrëmjen e së dielës, ka bërë një gabim të madh. Kongo, pohon ai,...
    Lajme28 Mars 2024
    Ministrja e Drejtësisë, Albulena Haxhiu, ka reaguar pas triumfit të jashtëzakonshëm të studentëve të Fakultetit Juridik të Universitetit të Prishtinës, të cilët...
    Lajme28 Mars 2024
    Kandidati për kryeministër nga radhët e Partisë Demokratike të Kosovës, Bedri Hamza, ka thënë se asnjë qeveri s’ka mundësi që t’i kryej...
    Lajme28 Mars 2024
    Policia e Kosovës është bërë pjesë e Taskforcës së Përbashkët të Migracionit me autoritetet ligjzbatuese të Republikës së Shqipërisë dhe të Mbretërisë...
    Lajme28 Mars 2024
    Kryetari i Lidhjes Demokratike të Kosovës (LDK), ka folur në Kuvend të Kosovës për tenderët njëburimore. Opozita edhe gjatë seancës së fundit...

    FrontOnline, © 2024 Të gjitha të drejtat e rezervuara.