Lajme

Erëra të forta me shi shkaktojnë dëme në Prishtinë, flet Shpend Ahmeti

Erëra të forta me shi shkaktojnë dëme në Prishtinë, flet Shpend Ahmeti
20:25 | 23 Korrik 2020

Shiu i rrëmbyeshëm i cili ka rënë mbrëmjen e së enjtes ka shkaktuar edhe dëme në rrugët e kryeqytetit.

Sipas fotografive të publikuara shihet se era e fortë ka rrëzuar edhe drunjtë në afërsi të sheshit “Nënë Tereza” në kryeqytet.

Në lidhje me këtë ka reaguar edhe kryetari i Komunës së Prishtinës, Shpend Ahmeti i cili ka bërë thirrje që qytetarët të kenë kujdes.

Ahmeti ka njoftuar se në terren janë edhe ekipet për sanim dhe ka lutur qytetarët që për emergjenca të thërrasin Komunën e Prishtinës.

“Kemi dëme në qytet nga erërat e fortë. Lusim qytetarët të kenë kujdes dhe për çdo emergjencë të thërrasin në Komunë në 080012233. Ekipet janë në terren për sanim”, shkruan Ahmeti në Twitter.

Shumë sport në platformën Artmotion, sezoni i ri në ligat më të forta të botës sjellë shumë ekskluzivitete

Të tjera