“Mos tradhtoni dhe mos u shitni”, kështu i ishte drejtuar Albin Kurtit pak ditë pas që ky i fundit ishte zgjedhë kryeministër i vendit, gjatë homazheve në përvjetorin e 13-të të vrasjes së ish-aktivistëve të “Vetëvendosjes”, Arben Xheladinit dhe Mon Balajt.

Naim Ramizi, i cili më herët kishte qenë aktivist i Lëvzijes “Vetëvendosje” por që më vonë kishte kaluar në AAK-në e Ramush Haradinaj, madje i kishte dhuruar me këtë rast Kurtit një maicë të përgjakur që e ruante  nga protesta e 10 shkurtit e vitit 2007, kur Policia rumune vranë Balajn dhe Xheladinin.

“Është një maicë të cilën e kam pasur të veshur 13 vjet përpara në atë kohë si aktivist i VV të 10 shkurtit ku kam qenë i plagosur, maica është e shpuar me plumb gome në gjoks dhe është e gjakosur qysh ka qenë. E kam ruajtur qe 13 vjet dhe sot në mëngjes më shkoj mendja t’ia dhuroj kryeministër për t’i kujtuar rrugën nëpër të cilën ka ardhur deri në kryeministri, sakrificën që e kanë bërë qindra mijëra aktivistë qoftë të arrestuar apo të lënduar”, pati deklaruar Ramizi, duke shtuar se i kishte përcjellë Kurtit porosinë e dy aktivistëve të vrarë: “Mos tradhto dhe mos u shit”.

Por, menjëherë pas rrëzimit të Qeverisë “Kurti” dhe votimit në Kuvend të Qeverisë “Hoti”, Ramizi u shpërblye me një pozitë të rëndësishme në Ministrinë e Drejtësisë, të cilën e drejton Selim Selimi i AAK-së.

“Front Online” posedon vendimin e ministrit të Drejtësisë, Selim Selimit, të datës 8 qershor 2020 që Ramizi të emërohet këshilltar politik, paga e së cilit kalon shifrën prej 600 euro në muaj.

/Front Online/