×
  • Lajme
  • Lajme

    Bilanci COVID-19, 1,144 raste aktive, 1,246 të shëruar dhe 42 të vdekur

    FrontOnline
    26 Qershor 2020

    Instituti Kombëtar i Shëndetësisë Publike të Kosovës ka bërë të ditur se numri i përgjithshëm i të shëruarve nga coronavirusi është 1.246 raste, kurse raste aktive 1144.

    IKSHPK njofton se nga data 08 shkurt deri më 25 qershor 2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 22.725 persona të dyshimtë në virusin SARS-CoV-2 dhe prej tyre pozitive rezultojnë gjithsej 2.432 raste, me gjithsej 42 raste të vdekjes të cilët kanë pasur sëmundje të tjera shoqëruese.

    “Që kur ka filluar lehtësimi i masave për disa aktivitete, kemi gjurmuar raste të reja të COVID-19 duke u shtuar rreziku të shpërthejnë vatra të reja epidemike në disa komuna të Kosovës dhe në institucione e degë të ekonomisë, për shkak të mosmbajtjes së distancës dhe mosmbajtjes së maskave”.

    IKSHPK, apelon te qytetarët, bizneset, gastronomia, që në mënyrë strikte të respektojnë distancën fizike, përdorimin e maskave, dezinfektimin dhe ajrosjen e lokaleve, duke pamundësuar përhapjen eventuale të infeksionit dhe shmangien e përhapjes në hapësirat e mbyllur.

    “Ne po shkojmë drejt një normaliteti të ri. Ky normalitet i ri paraqet ndërrimin e sjelljeve tona për të mirë, për të mbajtur higjienën, për të mbajtur distancën, për të mbajtur maskën, për të mos përhapur piklat tona të cilat i qesim nga goja çdo ditë, dikush më shumë e dikush më pak, e që rrezikojnë shëndetin e të tjerëve, por në radhë të parë shëndetin e të afërmve, të familjes, të fëmijëve, të farefisit, të komunitetit, dhe pastaj të gjithë qytetarëve. Zbatimin e rekomandimeve të Institutit Kombëtar duhet ta bëjë çdo qytetar i Republikës së Kosovës, që të ruajë veten, të afërmit dhe të tjerët”, thuhet në komunikatë.

    Ndryshe, një ditë më parë ministri i Shëndetësisë, Armend Zemaj ka thënë se rritja e rasteve me coronavirus ka ardhur si rrjedhojë e lirimit të masave dhe protestës së Vetëvendosjes më 12 qershor.

    Zemaj para kryetarit Ahmeti paralajmëroi testime masive për COVID-19, ndonëse ditëve të fundit është ndaluar testimi i kontakteve të personave me coronavirus.

    Ai theksoi se shumë shpejt do të bëjnë publike strategjinë anti COVID-19 për tre muajt e ardhshëm.

    Vetëm 60 euro kap ofertën Al Inclusive të “Sharr Travel” në Aqua Fafa
    Nga Rubrika
    Lajme28 Shkurt 2024
    Pas samitit për Ukrainën që u mbajt të mekurën në Tiranë, presidentja  e Kosovës, Vjosa Osmani është takuar me kryeministrin shqiptar, Edi...
    Lajme28 Shkurt 2024
    Fatmir Çollaku, njohës i fushës së sigurisë, tha se është pozitive që Tirana zyrtare po merr vëmendjen e ndërkombëtarëve dhe jo vetëm...
    Lajme28 Shkurt 2024
    Kryetari i Aleancës për Ardhmërinë e Kosovës (AAK), Ramush Haradinaj, ka thënë se Aleancën dhe grupin opozitar rreth saj qytetarët po e...
    Të tjera
    Lajme28 Shkurt 2024
    Adi Krasta, zëvendësdrejtori i televizionit publik të Kosovës, është kapur duke bërë një veprim skandaloz në emisionin ‘X Factor’ në Shqipëri. Përgjatë...
    Lajme28 Shkurt 2024
    Kryetari i Sindikatës së Pavarur të Sektorit Privat të Kosovës, Jusuf Azemi, ka thënë se do të vazhdojë greva e punëtorëve teknik...
    Lajme28 Shkurt 2024
    Një veturë është djegur sot rreth orës 15:00 në rrugën “Muharrem Fejza” në Prishtinë. Rastin për Front Online e ka konfirmuar zëdhënësja...
    Lajme28 Shkurt 2024
    Ekspertë të fushës po deklarohen se çështja e dinarit serb është zgjidhur në vitin 2002. Por, se ndoshta kjo po bëhet vetëm...
    Vip28 Shkurt 2024
    Ilnisa Agolli dhe Sara Karaj kanë patur një debat të ashpër me njëra-tjetrën. Kjo nisi që me hyrjen e modeles pasi gazetarja...
    Lajme28 Shkurt 2024
    Ish-kryetari i Gjykatës së Apelit, Hasan Shala, ka deklaruar se Milan Radoiçiqi, udhëheqësi i grupit të armatosur të Serbisë që kreu sulmin...

    FrontOnline, © 2024 Të gjitha të drejtat e rezervuara.