×
  • Kronika
  • Kronika

    Arrestohen dy mitrovicas, morën qindra euro nga të moshuarit që u premtonin dokumente për ndihma nga Amerika

    FrontOnline
    26 Qershor 2020

    Pas një hetimi të gjatë Policia e Kosovës dje ka arritur të arrestojë dy persona të cilët kishin mashtruar njerëz kryesisht të moshuar. Ata i kanë mashtruar të moshuarit dhe u kanë marrë qindra euro, duke ju thënë se do t’ua rregullojnë pensionet dhe ndihmat nga Shtetet e Bashkuara të Amerikës.

    Burime të Gazetës online ‘Reporteri’ brenda Policisë së Kosovës kanë treguar se dy të dyshuarit të cilët pas arrestimit e kanë pranuar veprën penale. Po hetohen për gjashtë raste të ndara.

    Reporteri.net i ka siguruar emrat e personave të dyshuar dhe po ashtu edhe emrat e personave të moshuar të cilët kanë rënë pre e mashtrimit.

    H.T dhe N.H nga Mitrovica kanë përfituar prej mashtrimit shuma të ndryshme në gjashtë raste.

    Më 13 shkurt të këtij viti dy të dyshuarit te Rrethi i Falmurit e kanë mashtruar qytetarin M.P duke ia marrë 650 euro. Burime të Reporterit brenda Policisë, kanë treguar se po në të njëjtin vend më datë 24 të muajit shkurt, dy të dyshuarit kanë mashtruar qytetaren me inicialet V.S e moshës 65 vjeçare duke ia marrë 75 euro të cilat i kishte pasur me vete.

    Veç dy javë më pas ata kanë takuar në lagjen ‘Dardania’ qytetarin me inicialet L.Z nga i cili kanë arritur që përmes mashtrimit t’i marrin 250 dollarë amerikan. Rasti tjetër i mashtrimi ka ndodhur më 2 qershor kur dy të akuzuarit në rrugën ‘Dëshmorët e Kombit” kanë mashtruar qytetarët J.D dhe F.F, edhe këta të moshuar duke ua marrë 700 euro.

    “Përveç këtyre, rasteve dyshohet qe ka edhe raste të tjera për të cilat po punojmë”, tha ky burim.

    “Të dyshuarit H.T dhe N.H kanë arritur t’i vënë në lajthitje personat e shtyer në moshë duke i mashtruar dhe marrë të holla në vlera të ndryshme me qëllim të përfitimit personal, duke i premtuar se do të ua rregullojnë dokumentet për ndihma nga Amerika dhe do të ua rregullojnë pensionet e pleqve”, ka thënë ky burim.

    Me urdhër të prokurorit të dyshuarit janë dërguar për mbajtje për 48 orë në Qendrën e Paraburgimit.

    Njoftimi i KEDS: Nesër në këto zona do të ketë punime
    Nga Rubrika
    Kronika18 Prill 2024
    Është arrestuar një serb në Leshak, pasi i njëjti dyshohet se ka hyrë ilegalisht në Kosovë. Policia ka njoftuar se me vendim...
    Kronika18 Prill 2024
    Është arrestuar një burrë në Fushë Kosovë pasi që i njëjti më 10 prill dyshohet se kishte sulmuar një person të cilit...
    Kronika18 Prill 2024
    Tre të dyshuar janë arrestuar dje në Ferizaj, pasi në veturën e tyre policia gjeti kokainë, marihuanë, letra mbështjellëse dhe grinder për...
    Të tjera
    Lajme18 Prill 2024
    Kryetari i komunës së Gjilanit, Alban Hyseni, ka bërë të ditur se komuna që ai udhëheq ka vendosur që për herë të...
    Kronika18 Prill 2024
    Një person është arrestuar në Podujevë pasi që i njëjti pas një zënke që kishte pasur me viktimën mashkull kosovare, dyshohet se...
    Kronika18 Prill 2024
    Në orët e para të ditës së sotme është dëgjuar një shpërthim në pjesën veriore të vendit, ku dyshohet se është hedhur...
    Kronika18 Prill 2024
    Policia në Ferizaj ka ndaluar shoferin me iniciale B.S., i moshës 44-vjeçare në fshatin Babush, i cili po drejtonte veturën me afat...
    Bota/Rajoni18 Prill 2024
    Policia e Korçës ka bërë të ditur se një person është gjetur i pajetë mëngjesin e së enjtes në Drenovë të Korçës....
    Bota/Rajoni18 Prill 2024
    Bashkimi Evropian është pajtuar për të shtuar sanksionet mbi prodhuesit iranianë të dronëve dhe raketave. Lëvizja pritet që të pasojë pas sulmit...

    FrontOnline, © 2024 Të gjitha të drejtat e rezervuara.