Avokati kosovar Arianit Koci ka reaguar në lidhje me testet e ardhura nga Serbia si donacion.
Koci thotë se nëse dhe vetëm një jetë apo një vatër infeksioni është izoluar me këto teste ja ka vlejtur që i kemi pranuar.
“Për më tepër, këto teste kanë mundur të përdorën të pjesa serbe e popullatës kosovare, që deshtëm apo nuk deshtëm, Serbinë e përjetojnë – së paku, si atdhe të dytë.” shkruan Koci në Facebook.
Postimi i plotë:
Nëse vetëm një jetë është shpëtuar!
– Fakt është se ne kemi pasur nevojë për teste;
– Fakt është se askush në regjion nuk na ka ofruar teste hua apo falas;
– Fakt është se ne në Kosovë kemi bashkëqytetarë serb;
– Fakt është se pushteti i Millosheviqit, ministër i të cilit ka qenë edhe Vuçiq, ka kryer krime kundër njerëzimit në Kosovë;
– Fakt është se krimet e ish-pushtetit serb në Kosovë, do t’i ndjekim – sa të është jeta jetë – pa asnjë dilemë.
Sidoqoftë, nëse vetëm një jetë është shpëtuar me këto teste; nëse vetëm një vatër e infeksionit është izoluar me këto teste – i’a ka vlejtur që i kemi pranuar testet.
Për më tepër, këto teste kanë mundur të përdorën të pjesa serbe e popullatës kosovare, që deshtëm apo nuk deshtëm, Serbinë e përjetojnë – së paku, si atdhe të dytë.
Prandaj, me këtë gjest të mirë, pushteti Serb nuk amnistohet për krimet e kryera në Kosovë, dhe as ne, natyrisht që nuk i harrojmë masakrat e individëve serbë, pjesë e pushtetit gjenocidal të Millosheviqit.
