×
  • Lajme
  • Front TV
  • Front TV

    A do të diskutohet javën e ardhshme për Asociacionin? Flasin nga BE-ja

    FrontOnline
    24 Shtator 2020

    Një takim ndërmjet palës kosovare dhe asaj serbe po paralajmërohet të ndodhë në ditët në vijim, duke mos përmendur datë.

    Bashkimi Evropian në një përgjigje për Front Online thotë se takimi ndërmjet Prishtinës e Beogradit do të diskutohet për komunitetin jo-shumicë.

    “Në takimin e tyre më 7 shtator, Presidenti i Serbisë dhe Kryeministri i Kosovës ranë dakord të ndjekin diskutimet e tyre mbi zgjidhjen e pretendimeve të ndërsjella financiare dhe rregullimet për komunitetin jo-shumicë në nivelin e ekspertëve dhe shefit të negociuesve. Javën e kaluar, diskutimet në nivelin e ekspertëve u përqendruan në çështjen e zgjidhjes së pretendimeve të ndërsjella financiare. Një takim vijues për rregullimet për komunitetin jo-shumicë do të zhvillohet në ditët në vijim”, thuhet në përgjigjen e zëdhënësit të BE-së për Çështje të Jashtme dhe të Sigurisë, Peter Stano, dhënë portalit Front Online.

    Datat e takimeve të ardhshme në nivelin e ekspertëve dhe të niveleve të larta, sipas përgjigjes së BE-së,  do të shpallen së shpejti.

    Nga ana tjetër, kryeministri i Kosovës, Avdullah Hoti, sot në konferencë për media ka thënë se Asociacioni është temë e mbyllur.

    “Asociacioni nuk do të diskutohet sepse është temë e mbyllur. Nuk e di a do të mbahet takimi në Bruksel, do ta shohim ditëve të ardhshme. Por ne jemi që ta çojmë përpara dialogun”, ka thënë ai.

    Por, ndryshe thotë Presidenti i Serbisë, Aleksandar Vuçiq.

    Sipas tij, Serbia është e gatshme për të biseduar në Bruksel më 28 shtator.

    Ai ka thënë se bisedime me palën kosovare duhet të vazhdojnë të jenë nën ombrellën e Bashkimit Evropian, ndërsa ka insistuar se tema e Asociacionit të Komunave Serbe është e pashmangshme.

    Tahiri: Kosova nuk guxon ta shkelë Kushtetutën, Asociacioni çështje e mbyllur

    Edhe analistët janë të mendimit se çështja e Asociacionit nuk duhet të jetë në tryezën e bisedimeve.

    Analisti politik, Ramush Tahiri, në një prononcim për portalin Front Online tha se tema e Asociacionit është mbyllur me nënshkrimin e marrëveshjes në vitin 2013 dhe 2015.

    “Temat caktohen mes palëve, nuk i cakton Bashkimi Evropian dhe nëse nuk ka konsensus ose marrëveshje për temat nuk bisedohet ajo temë. Serbia po kërkon që të bisedohet për Asociacion. Kosova nuk pranon me bisedu për Asociacion sepse është nënshkruar edhe në 2013 edhe në 2015 dhe ka mbetur një Këshill i veçantë me i përgatit dokumentet. Ai Këshilli i veçantë dokumentet nuk i ka dërguar te institucionet e Kosovës dhe Këshilli i veçantë nuk e ka marrë parasysh vendimin apo mendimin e Gjykatës Kushtetuese dhe pa u harmonizuar teksti nuk mund të ketë bisedime”, ka thënë Tahiri për Front Online.

    I pyetur se a do të ketë pengesa për vazhdimin e dialogut tema e Asociacionit, Tahiri tha se në rast se palët nuk kanë tema, dialogu nuk duhet të vazhdojë.

    “Dialogu nuk duhet të vazhdoj nëse nuk ka tema për të cilën palët mirën vesh. Asociacioni është përfunduar, është votuar me 2/3 në Kuvend, nuk mund të rihapet edhe një herë kjo pikë është vendimi i Gjykatës dhe duhet të implementimet. Kosova nuk guxon ta shkelë kushtetutën e saj në Bruksel”, tha ai për Front Online.

    Njoftimet nga KEDS për punimet në rrjet, vendet që do të mbesin pa rrymë
    Nga Rubrika
    Lajme25 Maj 2024
    Ata që ranë për çlirim, tani përkujtohen në mënyra të ndryshme. Një prej tyre është edhe dhurimi i gjakut, siç veprohet tash...
    Lajme25 Maj 2024
    Letra drejtuar liderëve të partive parlamentare nga ana e kreut të PDK-së, Memli Krasniqi po vlerësohet si test i gatishmërisë së partive...
    Lajme25 Maj 2024
    E përditshmja amerikane, “The New York Times”, ka publikuar një artikull të gjatë për Richard Grenellin. Gazeta ka biseduar me 40 persona,...
    Të tjera
    Sport25 Maj 2024
    Kaiserslautern dhe Bayer Leverkuseni po përballen në kuadër të finales së Kupës së Gjermanisë për sezonin 2023/2024. ‘Aspirinat’ e kanë gjetur veten...
    Bota/Rajoni25 Maj 2024
    Të paktën dy persona janë vrarë pasi një dyqan i mbushur me njerëz në qytetin ukrainas të Kharkiv u godit nga sulmet...
    Lajme25 Maj 2024
    Me një organizim nga PDK-ja, sot në Finlandë, u themelua Këshilli për Organizimin e Kuvendit të partisë atje. Ky këshill prej 24...
    Lajme25 Maj 2024
    Zëvendëskryeministrja dhe ministrja e Punëve të Jashtme dhe Diasporës, Donika Gërvalla, në kuadër të vizitës zyrtare në Uashington D.C mbajti një ligjëratë...
    Lajme25 Maj 2024
    Ministri i Punëve të Brendshme, Xhelal Sveçla, ka bërë të ditur se me ftesë të Federatës së Çiklizmit të Kosovës dhe grupit...
    Sport25 Maj 2024
    Është mbyllur xhiro e fundit e Superligës së Kosovës në futboll, ku Ballkani e ka mposhtur Prishtinën, ndërsa Gjilani e ka siguruar...

    FrontOnline, © 2024 Të gjitha të drejtat e rezervuara.