Mbrëmë Policia e Kosovës në bashkëpunim me Inspektoratin Policor dhe Prokurorinë kanë ndërmarrë një aksion të madh në fshatin kufitar, Karaçevë.
Në këtë aksion, janë arrestuar 35 persona, prej tyre 12 zyrtarë policorë.
Të njëjtit janë arrestuar nën dyshimet se kanë qenë të përfshirë në mënyrë aktive në aktivitete kriminale.
Prej 12 policëve të arrestuar, 9 janë të nacionalitetit shqiptar dhe 3 të nacionalitetit serb.
“Dje është realizuar ky plan operativ i përbashkët pas hetimeve të gjata. Unë do të flas për pjesën e cila është në mandatin e IPK-së që është hetimi për policët. Në dyshime për veprimtari penale të policëve të Kosovës, dje janë 8 nacionalitet shqiptar dhe 3 nacionalitetit serbë. Sot është arrestuar edhe zyrtari policor i fundit. Të dyshuarit janë punonjës të drejtorisë rajonale kufitare të Lindjes, Muçivercë. Punonjësit janë suspenduar dhe janë ndaluar për 48 orë. Kontrabandim me mallra dhe organizim i skemave piramidale të bixhozit. Unë sot mund të konkludoj që puna e hetuesve të IPK-së është realizuar plotësisht. Dua t’i falënderoj qytetarët dhe organet për bashkëpunim. “, thanë nga IPK-ja.
