Në Maqedoni të Veriut dy persona kanë vdekur si pasojë e COVID-19 në 24 orët e fundit, ndërsa janë regjistruar edhe 145 të infektuar të rinj.
Ministria e Shëndetësisë e Maqedonisë së Veriut ka njoftuar se në 24 orët e fundit janë testuar 1772 mostra.
Viktimat janë nga Dibra dhe Struga, të moshës 67 përkatësisht 48-vjeçare. Në 24 orët e fundit janë shëruar 216 persona.
Në total në Maqedoni të Veriut janë regjistruar 14.600 raste me koronavirus, 606 prej tyre kanë përfunduar me fatalitet. Janë shëruar 11.741 persona, ndërsa janë 2253 raste aktive.
