Deputeti i Kuvendit të Kosovës nga radhët e Partisë Demokratike të Kosovës, Bekim Haxhiu, ka vlerësuar se situata me pandeminë në vend “është kritike, buzë kolapsit”.
Sipas tij, “interesat grupore, politike, partiake dhe elektorale ishin prioritet i Qeverive të mashtrimit Hoti dhe Kurti të cilat nuk e kishin prioritet problemin e madh të pandemisë COVID-19”.
Ai ka paralajmëruar nëpërmjet një shkrimi në Facebook se “është momenti i fundit që përgjegjësit institucional të veprojnë sepse nesër mund të bëhet vonë”.
Deputeti i PDK-së, Bekim Haxhiu shkruan:
Situata me pandeminë është kritike, buzë kolapsit !
1650 raste pozitive dhe 63 raste të vdekjes janë regjistruar vetëm në javën e fundit.
Numri i rasteve aktive ka arritur në 3525, QKUK dhe spitalet rajonale janë të stërmbushura me pacientë.
Personeli shëndetësorë tani e 5 muaj po e bëjnë maksimumin në përkujdesjen ndaj pacientëve por është stërlodhur për shkak të mbi ngarkesës, 5 mjek kan humbur jetën në betejë me coronavirusin dhe 765 profesionist shëndetësorë janë infektuar me COVID-19.
Situata me pandeminë në Kosovë është përkeqësuar për shkak të lirimit të masave :
-pa miratuar Ligjin Anti-COVID-19,
-lirimit pa masa të qarta mbrojtëse,
-për shkak të keqmenaxhimit,
-për shkak të keqperdorimeve në kohë të pandemisë,
-për shkak të vendosjes se personave politik, jo kompetent në vendimmarrje dhe në udhëheqje,
-për shkak se dominuan interesat politike, partiake e elektorale para shëndetit të qytetarëve,
-për shkak të vendimarrjës populiste dhe joprofesionale.
Interesat grupore, politike, partiake dhe elektorale ishin prioritet i Qeverive të mashtrimit Hoti dhe Kurti të cilat nuk e kishin prioritet problemin e madh të pandemisë COVID-19.
Demaskimi i “partnerëve të mashtrimit” u pa më së miri dje në Kuvend të Kosovës kur deputetët e partive LDK e LVV nuk votuan amendamentin tim për rritjen e pagave për profesionistët shëndetësorë, policinë dhe për punësim të stafit të ri në spitale.
Është momenti i fundit që përgjegjësit institucional të veprojnë sepse nesër mund të bëhet vonë.
Të nderuar qytetarë, pasi që qeveritë e mashtrimit nuk janë të shqetësuar me 1650 raste pozitive dhe 63 vdekje nga COVID-19 në javën e fundit dhe 31 vdekje në 48 orë e fundit.
Ju bëj apel që të jeni të kujdesshëm dhe të përgjegjshëm, të respektoni masat mbrojtëse, mbani maska, mbani distancën, mos u përshëndetni dorë më dorë, pastroni duart, dezinfektoni ambientin ku jetoni e punoni.
