Ai me anë të një postimi në Facebook, ka thënë se Kurban Bajrami është festë që shpërfaq ndjenjën e fortë të sakrificës dhe përkushtimit ndaj zotit.
Veliu ka kërkuar po ashtu që të festohet duke respektuar udhëzimet.
“Bazuar në këto parime e forma të jetës, u bëj thirrje besimtarëve muslimanë të festojnë duke respektuar udhëzimet dhe të kujdesen për shëndetin e vetës dhe tjetrit”, ka thënë ai.
Postimi i plotë:
Të dashur qytetarë,
Kurban Bajrami është festë që shpërfaq ndjenjën e fortë të sakrificës dhe përkushtimit ndaj Zotit dhe ndaj tjetrit.
Në këtë ditë feste, besimtarët muslimanë në gjithë botën bartin mesazhin e paqes, solidaritetit dhe mirëkuptimit njerëzor.
Bazuar në këto parime e forma të jetës, u bëj thirrje besimtarëve muslimanë të festojnë duke respektuar udhëzimet dhe të kujdesen për shëndetin e vetës dhe tjetrit.
Me ndjenjën e respektit më të thellë dhe lutjen për mirëqenie, për shëndetin tuaj, e të familjeve tuaja, urime dhe me fat festa e Kurban Bajramit!
Zoti ju bekoftë!.
