Në kazermën në Gjorçe Petrov, sot do të bëhet pranim-dorëzimi i donacionit të Republikës Popullore të Kinës, e cila do të dhurojë pajisje mjekësore për Maqedoninë e Veriut.

Donacionet arrijnë vlerën e 250 mijë eurove dhe përbëhen nga 62 mijë maska, 4.200 syza mbrojtëse dhe pajisje tjera, për luftën ndaj COVID-19.

Në pranim-dorëzimin e donacionit është paralajmëruar prania e sekretarit shtetëror në Ministrinë e Mbrojtjes, Dragan Nikoliq dhe ambasadorit kinez Xhang Xuo.

Siç informojnë nga Ministria e Mbrojtjes, kjo ngjarje do të organizohet në pajtim me rekomandimet për mbrojtje nga coronavirusi.