Kryetari i LDK-së, Isa Mustafa ka reaguar ndaj disa raportimeve të mediave lidhur me babain e kryeparlamentares, Vjosa Osmani.
Mustafa tha se atakimi i familjes së Kryetares së Kuvendit, Vjosa Osmani është neveritës.
“Mospajtimet institucionale, rivalitetet partiake dhe politike duhet ti shprehim dhe debatojmë ndërmjet nesh, jo permes etiketimit të prindërve, fëmijëve apo familjarëve. Kjo është mënyra më morbide e luftës politike. Nëse dikush ka pasur argumente, pse nuk i prezantoi ato, para se Vjosa të zgjidhej Kryetare e Kuvendit. Përgjigja është se nuk kanë pasur dhe nuk kanë”, ka shkruar Mustafa.
Derisa tha se është në mesin e tyre që parreshtur i është sulmuar familja.
“Këto ditë po lexoj se disa që sulmonin dhe etiketonin në forma të ndryshme, tani e kanë filluar betejën ndërmjet tyre për dyshime në njëri tjetrin për abuzime, shantazhime, kurdisje e shumë punë të pista. Të gjithë përfundojnë kështu, por pasojat janë evidente nga njerëz të tillë”, ka shkruar Mustafa.
https://www.facebook.com/IsaMustafaKS/posts/2969121883154029
