Analsiti politik Blerim Latifi duke komentuar vendmin e Qeverisë Hoti për heqjen e reciprocitetit ka thënë se votimi i ministrave të AAK’së kundër heqjes është shenjë se konsensusi në koalicionin e ri qeverisës nuk do të jetë i lehtë.

Latifi ka thënë se vështirë se mund të kemi përparim në dialogun me Serbinë, derisa nuk e kemi një marrëveshje të brendshme mbi qëllimet që duam t’i arrijmë nga ky dialog.

“Është shenjë se konsensusi në koalicionin e ri qeverisës nuk do të jetë i lehtë, çarjet do të shfaqen shpejtë dhe divergjencat eventuale rreth rezultateve të dialogut me Serbinë do të na sjellin krizën e re politike, viktimë e parë e të cilës, kuptohet, do të jetë qeveria Hoti”, ka shkruar Latifi në Fcebook.

Votimi i ministrave të AAK’së kundër heqjes së reciprocitetit nuk është veprim i thjesht populist! Është shenjë se konsensusi në koalicionin e ri qeverisës nuk do të jetë i lehtë, çarjet do të shfaqen shpejtë dhe divergjencat eventuale rreth rezultateve të dialogut me Serbinë do të na sjellin krizën e re politike, viktimë e parë e të cilës, kuptohet, do të jetë qeveria Hoti. Vështirë se mund të kemi përparim në dialogun me Serbinë, derisa nuk e kemi një marrëveshje të brendshme mbi qëllimet që duam t’i arrijmë nga ky dialog. Ne ose do të bashkohemi si në Rambuje dhe Vjenë, ose dështimin do ta kemi të garantuar!.