Sot është votuar Qeveria e re në krye me Kryeministrin, Avdullah Hoti, raporton Front Online.

Votat që e bënë atë shef të ekzekutivit ishin më të përfolurat këtyre ditëve.

Në momentin e votimit, prezentë në sallë ishin 86 deputetë, 61 votuan pro Qeverisë “Hoti”, 24 deputetë kundër dhe 1 abstenoi, raporton Front Online.

Por, si u radhitën votat në bazë të Grupeve Parlamentare:

GP-LDK, kishte prezentë 26 deputetë, aty munguan Vjosa Osmani dhe Haxhi Avdyli.

Votën për Qeverinë “Hoti” e dhanë 25 deputetë dhe abstenoi deputeti i kësaj partie, Fatmir Rexhepi.

Nga PDK-ja, në sallë ishin prezentë 24 deputetë, që të gjithë votuan kundër.

Nga AAK-ja ishin prezentë 13 deputetë, për Qeverinë “Hoti” votuan 12 deputetë, derisa deputetja Donika Kadaj-Bujupi e lëshoi sallën në momentin e votimit.

6 deputetë të Koalcionit Nisma-AKR, ishin prezentë në sallë dhe që të gjithë votuan pro formimit të Qeverisë.

Ngjashëm vepruan edhe deputetët e Listës Serbe. Nga 10 deputetë sa ka kjo parti, 10 vota i shkuan Qeverisë “Hoti”.

Nga minoritetet jo serbe në sallë ishin prezentë 8 deputetë të cilët votuan pro, me përjashtim të dy të cilët munguan në këtë seancë (Zikreta Aliti dhe Elbert Krasniqi)./Front Online/