Gjilani sot nuk ka shënuar asnjë rast të ri me koronavirus.

Kryetari i kësaj komune, Lutfi Haziri tha se po vazhdojnë me monitorimin e 27 rasteve brenda 9 shtëpive.

“Ndërkohë, sa i përket investimeve kapitale, është fat i madh i Gjilanit që projektet milionëshe po i realizojmë me mbështetjen e partnerëve ndërkombëtar si Banka Europiane për Rindërtim dhe Zhvillim, Banka Investive Europiane Banka Botërore”, thuhet në postimin e Hazirit.

Po ashtu, Haziri përmendi edhe disa projekte kapitale të cilat janë të konfirmuara se do të përfundohen në Gjilani.

” Rruga Gjilan – Prishtinë në gjatësi 7.1 kilometra, rruga Livoç i Ulët – Kllokot, impianti për trajtimin e ujërave të zeza, zgjidhja e problemit të ujit të pijshëm për periudhën afatmesme e trajtimi i lumit Morava, janë vetëm disa nga projektet kapitale të konfirmuar nga miqtë e Gjilanit. Ditë të mira po vinë për Gjilanin tonë!”, tha Haziri./