Ministria e Shëndetësisë e Rusisë ka njoftuar se gjatë 24 orëve të kaluara janë shënuar 10,899 raste të reja të koronavirusit, duke e çuar në 232,243 numrin e përgjithshëm të të prekurve.
Pas shënimit të më shumë se 10 mijë rasteve ditore për më shumë se një javë rresht, ky shtet tashmë është futur në mesin e vendeve me më së shumti raste. Së fundi, Rusia ia zuri vendin e dytë Spanjës dhe tash gjendet vetëm pas Shteteve të Bashkuara me më së shumti infektime në botë.
Megjithatë, me vetëm 2,116 raste të raportuara deri më tani, Rusia ka shkallë shumë më të ulët të vdekshmërisë në krahasim me Shtetet e Bashkuara, Britanian, Italinë dhe Spanjën.
Pavarësisht rritjes së numrit të rasteve të infektimeve, qeveria ruse ka marrë vendim që t’i lehtësojë masat e izolimit, shkruan “Reuters”.
Në rajonet Bashkortostan dhe Ural, autoritetet lokale i rihapën parqet, ndërsa në rajonin Magadan në Lindjen e Largët, banorët u lejuan të dilnin jashtë për të bërë ushtrime.
