Kryetari i Komunës së Prishtinës, Shpend Ahmeti, ka bërë të ditur se nga 66 raste pozitive në Prishtinë, 45 janë shëruar plotësisht nga virusi Covid-19.
Ai me anë të një postimi në rrjetin social Facebook deklaroi se tani në kryeqytet gjithsej 21 persona janë duke infektuar me COVID-19, përcjell “Front Online”.
Ahmeti më tutje ka theksuar se gjatë tre ditëve të fundit, kryeqyteti nuk ka pasur asnjë rast të prekur me coronavirus.
Postimi i plotë i Ahmetit:
Mirëmëngjes Prishtinë???
Nga 66 raste pozitive në Prishtinë, 45 janë shëruar plotësisht, që do të thotë se kemi 21 raste aktive. Numra të ri nuk kemi që tre ditë që do të thotë ae po shkojmë drejt mposhtjes së virusit.
Sot, po ashtu super lajm është shiu duke marr parasysh që kemi rënie të Badovcit e Batllaves. Të rreshurat në javën e parë të majit janë shumë të rëndësishmepër akumulimet.
Në përgjithësi vikend i bukur përkundër restriksioneve. Me diciplinën tonë të shërohemi plotësisht.
