×
  • Lajme
  • Lajme

    Zjarrfikësit kërkojnë kushte më të mira pune, thonë se janë të neglizhuar

    FrontOnline
    13 Korrik 2020

    Sigurim shëndetësor, kompensim për lëndimet në vendin e punës, kompensim për punën jashtë orarit të punës, definim i kompetencave menaxhuese, janë kërkesat që Sindikata e Zjarrfikësve të Kosovës u ka drejtuar institucioneve të shtetit.

    Megjithatë këto kërkesa sipas kryetarit të Sindikatës së Zjarrfikësve të Kosovës Muharrem Beka, nuk po gjejnë mbështetje nga institucionet e vendit.

    Beka thotë se kërkesat e tyre në vazhdimësi janë injoruar nga institucionet e Kosovës, e që pas letrës së të premtes ai tha se përsëri do t’iu dërgojnë kërkesat po të njëjtave institucione.

    Muharrem Beka, Kryetari i Sindikatës së Zjarrfikësve të Kosovës

    Beka: Definimi i kompetencave menaxhuese në mes të komunës dhe MPB

    “Çështja e statusit juridik të pazgjidhur, definimi i kompetencave menaxhuese në mes të komunës dhe Ministrisë së Punëve të Brendshme. Këtu është një absurd, ne jemi me ligj staf i Ministrisë së Punëve të Brendshme, pagat i marrim nga komuna, prandaj nuk dihet punëdhënësi ynë. Kur i parashtron kërkesat ndaj secilit e hedhin fajin tek njëra-tjetra në mënyrë rotative, askush nuk merr obligimet që t’i kryejnë përgjegjësitë që i kanë si punëdhënës”, thotë ai.

    Ai thotë se zjarrfikësit kanë mungesë të pajisjeve personale, e që sipas tij ndikon që ata të përballen me vështirësi të mëdha gjatë punës së përditshme të tyre.

    Beka: Të gjitha këto kemi kërkuar në vazhdimësi dhe asnjëherë nuk kemi marrë përgjigje

    “Zjarrfikësit e kanë koeficient më të ulëtin në nivel vendi 4.83, mandej mos kompensimi për ndërrim të natës, festat shtetërore dhe fetare, orët jashtë orarit të punës, pa sigurime shëndetësore, moskompensimi i shpenzimeve mjekësore. Të gjitha këto kemi kërkuar në vazhdimësi dhe asnjëherë nuk kemi marrë përgjigje. Pastaj është çështja e gradimeve, e pajisjeve. Zjarrfikësit kanë edhe mungesë të pajisjeve personale, mos të flasim për pajisje kolektive që janë të stërvjetëruara dhe në një situatë të pakuptimtë”, tha ai.

    Gjendja në të cilën ndodhen zjarrfikësit, Beka thotë se duhet të ndryshohet pasi që nga ta varen edhe shumë probleme të qytetarëve. Ai deklaron se institucionet nuk janë duke e kuptuar rolin dhe rëndësinë e zjarrfikësve, prandaj edhe janë lënë në këtë gjendje.

    Beka: Asnjëherë nuk treguan gatishmëri që të analizojnë çështjen e shërbimit të zjarrfikësve

    “Aq shumë kanë neglizhuar edhe aq shumë është treguar papërgjegjësi, saqë zjarrfikësit me indinjatë dhe shumë të zhgënjyer e kanë pritur edhe këtë herë këtë heshtje të tyre që në vazhdimësi janë mësuar vetëm të heshtin. Asnjëherë nuk treguan gatishmëri që të analizojnë së pari çështjen e shërbimit të zjarrfikësve dhe të fillojnë gradualisht me zgjidhjen e problemeve të krijuara në këtë shërbim”, deklaroi ai.

    Kryesindikalisti Beka thotë se zjarrfikësit nuk e kanë vendin në rrugë, por që thotë se nuk po u lihet zgjidhje tjetër.

    Beka: Ju kemi treguar se zjarrfikësit nuk e kanë vendin në rrugë

    “Ju kemi treguar se zjarrfikësit nuk e kanë vendin në rrugë, bile së paku për kërkesat legjitime dhe të drejtat që po na shkelen e të cilat ligjet na i garantojnë. Nuk jemi duke kërkuar atë që nuk na takon dhe nuk jemi duke kërkuar lëmoshë, jemi duke kërkuar që të drejtat të cilat na takojnë t’i përmbushin”, thotë ai.

    Ai potencon se zjarrfikësit kanë qenë në gjendje të rëndë edhe gjatë kohës së pandemisë, ku thotë se nuk kanë qenë mirë të furnizuar me pajisje mbrojtëse për COVID-19./KP.

    Edhe një storie suksesi – PRINCE CAFFE lidh marrëveshje bashkëpunimi me kompaninë më të madhe në Kroaci të shitjes me…
    Nga Rubrika
    Lajme19 Maj 2024
    Instituti Hidrometeorologjik i Kosovës ka parashikuar që gjatë javës që vjen do të mbajë kryesisht mot i paqëndrueshëm në Kosovë. E hënë...
    Lajme19 Maj 2024
    Njëzet ekipe shpëtimi dhe dronë janë dërguar në zonën ku helikopteri në të cilin ndodheshin presidenti iranian, Ebrahim Raisi dhe ministri i...
    Lajme19 Maj 2024
    Ekzekutivi po vazhdon procesin e racionalizimit të agjencive të pavarura dhe atyre qeveritare, por ende nuk se sa prej 80 agjencive aktuale...
    Të tjera
    Lajme19 Maj 2024
    Ka përfunduar vizita e prindërve të ish-presidentit Thaçi në Qendrën e Paraburgimit në Hagë. Babai dhe nëna e Thaçit ishin sot për...
    Lajme19 Maj 2024
    Ministria kroate e Mbrojtjes ka bërë të ditur se nesër do të mbahet ceremonia zyrtare e dërgimit në Kosovë të trupave të...
    Lajme19 Maj 2024
    Presidentja Vjosa Osmani ka ndarë një video nga takimi dhe konferenca e përbashkët me Nënsekretaren amerikane të Shtetit për Diplomaci Publike, Liz...
    Lajme19 Maj 2024
    Kandidati i PDK-së për kryeministër, Bedri Hamza, në Zvicër është takuar me diasporën atje, të cilët i ka falënderuar për mikëpritjen. Ai...
    Lajme19 Maj 2024
    Deputetja e Lidhjes Demokratike të Kosovës, Hykmete Bajrami ka thënë se Kryeministri i Kosovës, Albin Kurti thotë të pavërteta kur deklaron se...
    Lajme19 Maj 2024
    Komuna e Prishtinës ka njoftuar se sot është djegur një kontejner i mbeturinave. Në njoftim thuhet se falë reagimit të qytetarëve është...

    FrontOnline, © 2024 Të gjitha të drejtat e rezervuara.