Ministri i Shëndetësisë, Armend Zemaj, është takuar me Ministrin e Arsimit, Ramë Likaj ku kanë diskutuar në lidhje me përgatitjet për fillimin e vitit të ri shkollor.
Zemaj ka theksuar se do të vazhdojnë me përpjekje të përbashkëta dhe koordinimin ndërinstitucional në këtë periudhë pandemie.
“Ne po ndërmarrim të gjitha masat dhe po bëjmë përgatitjet e duhura që procesi mësimor të nis sipas planit të paraparë, duke respektuar masat mbrojtëse kundër virusit dhe të gjitha protokollet e sigurisë së shëndetit”
Njoftimi i plotë:
Prita në takim Ministrin e Arsimit, prof. Dr. Ramë Likaj, që ishte i shoqëruar edhe nga Zëvendësministri, dr. Xhavit Rexhaj, me të cilët diskutuam për përgatitjet për fillimin e vitit të ri shkollor.Fillimi i mësimit të organizohen në mënyrën e duhur në këto rrethana të krijuara nga pandemia COVID-19, të gjitha vendimet e nevojshme do të merren në konsultim me Ministrinë e Shëndetësisë, IKShPK-në, Ministrinë e Arsimit dhe institucionet tjera relevante.
Do të vazhdojmë përpjekjet e përbashkëta dhe koordinimin ndërinstitucional.Ne po ndërmarrim të gjitha masat dhe po bëjmë përgatitjet e duhura që procesi mësimor të nis sipas planit të paraparë, duke respektuar masat mbrojtëse kundër virusit dhe të gjitha protokollet e sigurisë së shëndetit.
