Deri në tre planete – potencialisht shkëmborë si Toka – janë vërejtur rreth një ylli të vendosur relativisht afër sistemit tonë diellor – një sistem planetar që u ofron astronomëve mundësi intriguese në kërkimin e shenjave të jetës së jashtme.

Sipas mediave të huaja, përcjell Telegrafi, orbita e planetëve Gliese 887, i ashtuquajtur “yll xhuxh” i kuq sa gjysma e diellit, u identifikua 11 vjet dritë larg nga Toka – pikërisht në “oborrin” tonë, vetëm se më parë u potencua në terma kozmik, thanë studiuesit të premten.

Vetëm 12 yje të tjerë janë më afër sistemit tonë diellor.

Njëri nga planetet sillet rreth orbitës së “Gliese 887”, çdo nëntë ditë dhe tjetra çdo 21 ditë. Ndërkaq studimet thonë se njëri nga dy planetet, gjendet brenda asaj që quhet zona e banueshme, ose zona Goldilocks. Bëhet e ditur se temperatura e planetit është e qëndrueshme, as e ftohtë apo edhe e nxehtë.

Ndërkohë sa i përket planetit të tretë, ai rrotullohet rreth orbitës çdo 50 ditë dhe ndodhet në zonën e Goldilocks, megjithëse të dhënat nga studimet nuk janë konfirmuar ende plotësisht.

“Ato janë të ngjashme me Tokën, dhe ka gjasa të jenë në thelb sikurse planeti ynë, në krahasim me gjigantët e mëdhenj si Jupiteri dhe Saturni”, tha astronomja Sandra Jeffers, nga Universitetit i Gottingen në Gjermani, autore e këtij studimi.