Presidenti serb, Aleksandër Vuçiq, ka bërë të ditur se kryeministrit të Kosovës, Avdullah Hotit, në takimin e sotëm në Bruksel i ka kërkuar që të hapen arkivat e Ushtrisë Çlirimtare të Kosovës (UÇK), si kundërpërgjigje ndaj kërkesës së shefit të Qeverisë kosovare që të hapen arkivat e sigurimitë shtetëror serb, raporton portali “Front Online”.
“Ata kërkuan që të hapeshin arkivat e sigurimit të shtetit serb, ndërsa ne kërkuam që të hapen arkivat e të ashtuquajturës UÇK, dhe ata reaguan në lidhje me atë sikur të kërkonim t’i zhvendosnim në plantet Merkur apo Venerë”, ka thënë presidenti i Serbisë për “TV Pink”.
Vuçiq ka shtuar se në takimin e sotëm në Bruksel kanë diskutuar për personat e zhdukur në lufën e fundit dhe të zhvendosurit. Sipas tij, nga lufta e fundit janë 1633 apo 1644 veta të zhdukur, prej të cilëve 540 janë serbë dhe jo-shqiptarë, ndërsa të tjerët janë në komuniteti shumicë në Kosovës.

/Front Online/