Prokurori i Prokurorisë Themelore të Gjilanit, Ismet Ukshini, ka vdekur sot.
E i pikëlluar nga humbja e tij po ndjehet dikush që punoi me të.
Kryetari i Gjykatës Themelore në Gjilan, Ramiz Azizi, ndarjen nga jeta të kolegut të tij Ukshini po e konsideron si humbje të madhe për sistemin e drejtësisë në vend.
“Gjykata Themelore Gjilan me dhimbje e pikëllim të thellë ka pranuar lajmin pë ndarjen nga jeta të familjarit tuaj dhe kolegut tonë, prokurorit të Prokurorisë Themelore të Gjilanit, Ismet Ukshini. Prokurori Ukshini, do të mbahet mend për profesionalizmin dhe korrektësinë. Prandaj, humbja e tij është humbje e madhe për sistemin e drejtësisë në vend”, thuhet në telegramin e ngushëllimit të Gjykatës.
