Lajme

Tahiri tregon se si do të shpërndahen gjysmë milionë maska dhe 30 mijë dezinfektues nëpër komuna

Tahiri tregon se si do të shpërndahen gjysmë milionë maska dhe 30 mijë dezinfektues nëpër komuna
17:12 | 27 Korrik 2020

Zëvendëskryeministri Besnik Tahiri, ka treguar se si do të shpërndahen gjysmë milionë maska në Kosovë.

Tahiri nëpërmjet një postimi në rrjetin social Facebook theksoi se qysh nesër maskat do të shpërndahen në 38 komuna të Kosovës.

Kjo shpërndarje do të bëhet në bazë të kriterit të popullsisë për komunë dhe sipas urgjencës që e përcakton Ministria e Shëndetësisë.

Postimi i plotë:

Gjysmë milion maska do të shpërndahen në 38 komuna të Kosovës!

Sot së bashku me Ministrin e Shendetësisë, z.Armend Zemaj kemi bërë të ditur se që nga nesër do të bëhet shpërndarja e 500.000 maskave, 30.000 dezinfektuesëve, 5000 kominosheve dhe 10.000 mantilave në 38 Komuna të Republikës së Kosovës.

Kjo shpërndarje do të bëhet në bazë të kriterit të popullsisë për komunë dhe sipas urgjencës që e përcakton Ministria e Shëndetësisë.

Edhe njëherë falënderoj Prof. Arianit Shehun për angazhimin e tij, popullin e Jordanisë dhe oborrin mbretëror të Mbretit Abdullah për ndihmën gjeneroze që na ofruan!

Kush janë parakushtet efektivitetit dhe efiçiencës?

Të tjera