Bota/Rajoni

Studim: Koronavirusi e ka shkurtuar jetëgjatësinë e britanikëve për gati dy vjet

Studim: Koronavirusi e ka shkurtuar jetëgjatësinë e britanikëve për gati dy vjet
13:40 | 18 Korrik 2020

Sipas një studimi britanik, koronavirusi e ka shkurtuar pothuajse për dy vjet jetëgjatësinë e burrave dhe grave.

Jetëgjatësia e popullsisë në Angli dhe Uells vazhdimisht ka qenë duke u përmirësuar në 50 vjetët e fundit, para se të stagnonte gjatë dekadës së kaluar, shkruan “Daily Mail”, transmeton Gazeta Express.

Megjithatë, kriza e koronavirusit, nga e cila deri më tani në Britani kanë vdekur rreth 54,000 persona, e ka kthyer nivelin e jetëgjatësisë në shkallën e vitit 2008, thonë ekspertët e Universitetit të Oksfordit.

Koronavirusi e ka shkurtuar jetëgjatësinë e grave nga 83.5 vjet vitin e kaluar në 81.8 vjet për këtë vit, ndërsa për burrat e ka shkuartuar nga 79.9 në 78 vjet.

Joe Manuel Aburto nga Departamenti i Sociologjisë në Universitetin e Oksfordit tha: “Ne kemi ofruar vlerësime për jetëgjatësinë për vitin 2019 dhe pjesën e parë të këtij viti, që tregojnë se jetëgjatësia ka rënë për 1.7 dhe 1.9 vjet për gratë dhe burrat mes kësaj periudhe.

Jetëgjatësia vlerësohet si tregues për shëndetin e përgjithshëm të popullsisë dhe mund të hedhë dritë për pasojat e përgjithshme të pandemisë.

“Petrol Company” në natën e “Kurban Bajramit” e bën me shtëpi të re familjen nga Skenderaj

Të tjera