×
  • Lajme
  • Lajme

    Stacioni i autobusëve ka humbur afër gjysmë milion euro për shkak të pandemisë

    FrontOnline
    20 Shtator 2020

    Situata e pandemisë dhe masat kufizuese që ishin ndërmarrë kundër virusit, i ka shkaktuar dëme të mëdha edhe Stacionit të Autobusëve në Prishtinë.Drejtori i stacionit të autobusëve në Prishtinë, Luan Hoti ka thënë se situata financiare në stacionin e autobusëve ka qenë shumë e vështirë, gjë që ka rezultuar me humbje të afër gjysmë milion euro në këtë ndërmarrje.

    “Duke pasur parasysh që peronizimi është shërbimi kryesor i cili ne krijojmë të hyrat kryesore për ndërmarrjen, ku shërbimi i peronizimit na sjellë më shumë se 60 përqind të të hyrave, edhe ne nëse analizojmë se kemi rënie për afërsisht prej 50 përqind, normal që kjo humbje është rreth 50 përqind në totalin e të gjitha të hyrave, pra nëse përafërsisht të hyra kemi rreth 1 milion, atëherë për një vit besoj që humbjet janë rreth gjysmë milioni”, ka thënë Hoti.

    Hoti ka thënë se gjatë periudhës 6 mujore të këtij viti ka pasur rënie të mëdha të linjave ndër urbane dh atyre ndërkombëtare.“Sipas analizave të cilat i kemi bërë, apo statistikave të cilat janë të paraqitura në raportet tona tre mujore dhe gjashtë mujore shihet qartë që në krahasim me vitin e kaluar në periudhën gjashtë mujore kemi rënie të mëdha të linjave, si atyre ndërkombëtare por edhe atyre ndër urbane.

    Pra sipas shënimeve të cilat i kam, të cilat i kam marrë nga departamenti i caktuar i cili merret me analizimin e linjave, sa i përket linjave ndër urbane kemi rreth 41 për qind me pak linja të mbajtura në krahasim me vitin e kaluar, po ashtu e njëjta situatë është edhe me linjën ndërkombëtare ku kemi rreth 47 për qind linja më pak ndërkombëtare, në krahasim me vitin e kaluar. Pra po flasim për periudhën kohore, 1 janar deri 30 qershor të këtij viti”, ka thënë Hoti.

    Në statistikat e nxjerra nga departamenti që merret me analizimin e linjave, në muajin prill dhe maj të këtij viti, krahasuar me vitin e kaluar ka pasur rënie prej 100 përqind, pasi që me vendimin e qeverisë, linjat nuk kanë punuar.

    Hoti ka deklaruar se nga qershori ka filluar së funksionuari linjat ndër urbane, ndërsa sa i për ketë linjave ndërkombëtare, ai ka thënë se ka një rënie dukshëm të madhe.“Me 13 mars sipas vendimit të qeverisë është ndalë qarkullimi i të gjitha linjave, si i atyre ndër urbane, dhe ndërkombëtare, pra kjo situatë ka mbretëruar deri në 18 maj të këtij viti, me 18 maj kemi pa disa lëvizje të vogla të disa auto transportuesve sepse në atë kohë ka qenë një mos koordinim i mirë në mes të udhëzimit administrativ, apo vendimit të qeverisë sa i për ketë linjave të cilat janë liruar dhe lëvizjes apo qytetarëve./KP/

    Kjo gjë është ndryshuar në fillim të muajit qershor, pikërisht me një qershor është heq kufizimi i lëvizshmërisë së njerëzve dhe me një qershor kanë filluar shumica e linjave ndër urbane të mbahen, ndërsa sa i përket linjave ndërkombëtare ende kemi pasur, kemi një mungesë të tyre, respektivisht kemi një ulje të madhe sa i përket linjave ndërkombëtare”, ka thënë Hoti.

    Hoti ka thënë se ende ka kufizime në qarkullim me shtetet evropiane dhe ato fqinje, pos Shqipërisë. Ai ka thënë se numri i linjave të autobusëve është dukshëm më i vogël, krahasuar me numrin që kishin më herët.

    Importuesi nga SHBA-ja: Devolli Corporation me standarde amerikane
    Nga Rubrika
    Lajme29 Shkurt 2024
    Kryeministri i Kosovës, Albin Kurti ka treguar arsyen se pse nuk mori pjesë në samitin për Ukrainën që u mbajt në Tiranë....
    Lajme29 Shkurt 2024
    Kryeministri i Maqedonisë së Veriut, Talat Xhaferi, deklaroi se imazhi i Kosovës në sytë e ndërkombëtarëve nuk është në të njëjtat nivele...
    Lajme29 Shkurt 2024
    Analisti Visar Ymeri, në “Debat Plus” në RTV Dukagjini, ka thënë se deklaratat e ambasadorit amerikan në Kosovë, Jeffrey Hoverier, nuk janë...
    Të tjera
    Lajme29 Shkurt 2024
    Gjykata Themelore në Prizren ua ka vazhduar masën e paraburgimit edhe për nga dy muaj katër të dyshuarve për grabitjen në Suharekë,...
    Lajme29 Shkurt 2024
    Deputeti i PDK-së, Bekim Haxhiu, tha se në shëndetësi nuk ka zhvillim nga Qeveria Kurti, por sipas tij ka vetëm degradim. Sipas...
    Sport29 Shkurt 2024
    Edon Zhegrova po kalon një sezon të karrierës te Lille në elitën e futbollit francez. Ylli kosovar është prej futbollistëve më të...
    Lajme29 Shkurt 2024
    Deputeti shqiptar në Kuvendin e Serbisë, Shaip Kamberi të hënën është takuar me presidentin serb, Aleksandar Vuçiq, ndërsa sot ai ka publikuar...
    Vip29 Shkurt 2024
    Të lindurit në vitin e brishtë, më 29 shkurt, kanë një ditëlindje ndryshe nga kushdo tjetër. Kjo datë është vetëm një herë...
    Lajme29 Shkurt 2024
    Këshilltari në Ministrinë e Punëve të Jashtme dhe Diasporës, Çerim Bajrami, është sulmuar fizikisht. Rasti ka ndodhur sot rreth orës 16:00, në...

    FrontOnline, © 2024 Të gjitha të drejtat e rezervuara.