Lajme

Shkoi për vizitë në Spitalin e Gjakovës, i moshuari vdes në zyrën e administratës

Shkoi për vizitë në Spitalin e Gjakovës, i moshuari vdes në zyrën e administratës
18:22 | 04 Gusht 2020

Një burrë i moshës 76 vjeç ka ndërruar jetë sot në zyrën e administratës së Spitalit të Gjakovës ‘Isa Grezda’.

Në vendin e ngjarjes ka dalë policia dhe rasti është hapur si ‘hetim i vdekjes’.

Lajmin e ka konfirmuar edhe Drejtori i Policisë Rajonale në Policinë e Gjakovës, Lumni Graishta, i cili tha se aktualisht nuk ka ndonjë dyshim rreth vdekjes së tij.

Por, në bazë të pamjeve të kamerave të sigurisë dhe deklaratave të mjekëve, rasti i tij po konsiderohet si vdekje natyrale.

“Sot rreth orës 09:00, kemi parnuar një informacion nga Spitali i Gjakovës që një i moshuar, i lindur në vitin 1944 ka ndërruar jetë në zyrën e administratrës. Policia i është përgjigjur thirrjes dhe bashkë me prokurorin kujdestar janë marrë deklaratat e dëshmitarëve. Nga pamjet e kamerave dhe deklaratave të mjekëve konsiderohet që është vdekje natryrale. Policia e ka procedu rastin si ‘hetim i vdekjes’. Jemi në fazën e grumbullimit të informacioneveve, për momentin nuk ka ndonjë dyshim”, tha Graishta për Gazetën Sinjali.

I pyetur nëse i moshuari ishte pacient i spitalit, Graishta tha se i ndjeri nuk ka qenë pacient por ka shku me vizitu dikënd në spital.

“Ka shkuar ta takojë dikë nga stafi mjekësor”, përfundoi ai.

Kredi me afat rekord të shqyrtimit dhe aprovimit

Të tjera