Sekretari i Shtetit amerikan, Mike Pompeo, ka thënë se Washingtoni u ka vendosur kufizime të vizave, zyrtarëve të Partisë Komuniste në Kinë, pasi besohet të jenë përgjegjës për frenimin e lirisë në Hong Kong.

Sipas mediave të huaja, përcjell Telegrafi, Pompeo tha se sanksionet ishin vendosur për zyrtarët e tanishëm dhe atyre të mëparshëm të partisë.

Ai u shpreh se masa pasoi në bazë të paralajmërimit të presidentit amerikan, Donald Trump, për të ndëshkuara Pekinin për një ligj të propozuar që mund të prishë autonominë e Hong Kongut.

Me këtë rast Kina reagoi duke thënë se vendimi i SHBA-së nuk ishte i duhur dhe duhet të tërhiqet.

#HongKong is part of #China. Hong Kong affairs are China’s domestic affairs that allow no external interference. China will continue to take strong measures to uphold national sovereignty, security and development interests. https://t.co/hxJdQklSsQ pic.twitter.com/fApmCXJgCL

— Chinese Embassy in US (@ChineseEmbinUS) June 26, 2020